Ana iteraniba te aono
Aomata Aika Itiaki ni Boong aika Kaitira i Kiribati a Kaitiaki taabo ni Kamaangang
“Nakomai ao Ibuobuoki” e korakora nanoia aomata ni kan ibuobuoki n aia komiunitii.
Kaain te Ekaretia i Tarawa Maeao, Kiribati, man Ana Ekaretia Iesu Kristo ibukiia Aika Itiaki ni Boong aika Kaitira, a kaeka inanon Beberuare n te kakaewenako nakon “Nakomai ao Ibuobuoki.”
Te Beretitenti n te Ekaretia n Aonon te Betebeke, Ian S. Ardern, e a tia ni kaoia ni kabane kaain te Aono n te Betebeke bwa ana ibuobuoki n “Nakomai ao Ibuobuoki” inanon te namwakaina ae Beberuare. E a tia ni kaoia membwa ao tabeman riki aika a tangiria n iria, ni kakaea te kawai ni buoka aia komiunitii.
Kaain Tarawa Maeao a rineia bwa a na kaitiaka te Tongo Park, te tabo ni kamaangngang ae mamaten nanoia, ibukin aia mwakuri n ibuobuoki.
E kabonganaki te park ibukin te bikiniki, takakaro, tebotebo iaan te riringa, uaua ao a mwaiti riki waaki ni kakukurei. Te tabo aei ngkoa e tataneiai te aba iai n onrake n te maange ma nnen te maange ae a taonako.
E rineaki Tongo Park ibukin kinakina ao kainoorakina man te kawai are e biri nakon te International Airport nakon nikiran kaawa i Tarawa Maeao.
N aron are e taekinna Ataake Tekanene, te Taraekita n te Church’s National Communication, “Membwa n Ana Ekaretia Iesu Kristo ibukiia Aika Itiaki ni Boong aika Kaitira a kinaki i Tarawa Maeao ibukin aia mwakuri n anganano ao a tia ni karekei kaeka aika a tamaroa mairouia aomata ni kabane ao riki te tautaeka.”