Nakomai, Iriirai: Ana Boki Moomon
Bukin Tera Ngkai Aramwa E Karakina Rongorongon Mote ao te Naeta ae te Buraati?
Turai 13–19
Imwiin kabotauan ana taeka te Atua ma te kora iroun Aramwa (taraa Aramwa 32:28–43), aomata a tuangnga aron unikakin te kora. Aramwa e kabongana rongorongon Mote ao te naeta ae te burati man Warekaia Iteraera mwakoro 21 bwa te banna ni katoto ni karaoan te onimaki (taraa Aramwa 33:19–23).
Ai Aekakin Kristo
Ai aekakin bon te bwai ae tei ibukin ke e a kaman kaota te bwai ke te aomata. Ngke a tenaaki kain Iteraera n te naeta ae boitin, Mote e tabeka te naeta ae te buraati, are e a riki bwa ai aekakin Kristo. Ni kabane ake a karaoia inanon te onimaki ao a taraia a kamaiuaki, n ai aroia naake a mwakuriia aia onimaki iroun Iesu Kristo a na kamaiuaki n te maiu n tamnei.
Tabeman A Kamatoatoai Nanoia
N ae beebete ae ti n tarakina, tabeman aomata a kamatoai nanoia ao a rawa, ao n tokin te tai a mate imwiin tenaakiia. Bukin tera a rawa n taraia? (taraa Aramwa 33:20). Tera ae e kona n reireiniia aei iaon taekan te onimaki ao te aki kakoaua?
Ko na Kona ni Kamarurungaki?
Ngkana ko kona ni kamarurungaki ni karaoan te bwai teuana ae beebete n aron taraakina, ko na karaoia? Aramwa e katea te titiraki aei ao e kaoira bwa ti na tara te Tia Kamaiu ao ni kakoaua (taraa Aramwa 33:21–22).