Tera ae Ko Iangoia?
Akea te bwai ae buakaka ae I a tia ni karaoia. I kainnanoia naba bwa n na rairananou?—Nanououa i Udine
Nakon Nanououa,
Aomata ni kabane a riai n rairinanoia, ibukina bwa bon akea ae kororaoi! Te rairannano e kona n aki kangaanga n aron te tataro nakon Tamara are i Karawa bwa e uara am bong ao n tuangnga bwa ko na kanga ni kanakoraoia riki ningabong. Ti butiia ibukin kabwaraakin ara bure ngkana iai te bwai ae kairua ae ti a tia ni karaoia, ao E kabwarai ara bure. Tabeman aomata a taku n aia iango bwa te rairannano bon te bwai ae kakamaaku. Ma bon te bwai ae kakukurei! Te rairannano bon ana bwaintangira Iesu Kristo are e anganiira bwa ti aonga n reirei, n rikirake, ni bitaki, ao n riki n ai Arona. E taku Beretitenti Nelson bwa ti riai n rairinanora ni katoa bong. Ngkai ko karaoia, ko na namakina riki te rau ao te korakora inanon maium.
Ma te Tangira,
Te Rao
Kataa aio!
Kona kainnanoa:
te taoro
black pepper
te buun buraetitiki
taara ae te bwai ni kaobai
-
Kabwaroa teutana te taoro nakon aon te raurau. Aio e tei ibukin ae ti kanga n itiwewe ao n itiaki imwaaina ae ti bure.
-
Katimtimwa teutana te bebwa iaon te taoro. Aio e tei ibukin rinerine aika kairua ake ti karaoi.
-
Ngkai anaa te buun te buraetitiki ao kaokaoia iaon te taara.
-
Kamwainga te buun ni karaurau nako aon te taoro ao te pepper. Te pepper e na nim ma te buun! Aio aekakin ae a kabwaraaki ara bure ngkana ti rairannano.
N aron te buun are e anaa te pepper inanon te waaki ni kakukurei aei, te rairannano e kona ni kaitiakiira man rinerine aika kairua ake ti karaoi ni katoa bong—a bubura ke a uarereke. Ibukin Iesu Kristo ao Ana Mwakuri ni Kamaiu, iai ara tai ngaira ni kabane n rairinanora.