Kabatan-onan
Sa eskwelahan nga ako karong gitambongan, diyutay ra kaayo ang mga miyembro. Busa importante ang pagsunod sa akong mga sumbanan tungod kay mao ra kini ang bugtong paagi nga mosanag ang kahayag sa ebanghelyo pinaagi kanako aron ang dili mga miyembro sa katapusan makasabut ug posibleng magpasakop sa Simbahan. Tingali dili karon, apan usa ka adlaw makahinumdom sila nga aduna kining katingalahang lalaki kinsa dili moinom og iced tea ug kape, kinsa dili mamalikas, ug kinsa kabahin sa usa ka simbahan. Tingali sa umaabut ang akong ehemplo mogiya kanila ngadto sa asa sila kinahanglang maanaa.
Mahimong lisud ang magpalahi, ang makita nga lahi. Sayon ra gayud kaayo ang pagpaubos sa mga sumbanan. Ang ehemplo ug pag-ampo sa akong pamilya nakatabang gayud kanako nga magpadayon sa tibuok adlaw. Ang pag-ampo nagpahinumdom kanako sa pagsunod sa akong mga sumbanan.
Ayaw gayud pagduha-duha bisan sa makadiyot nga ang imong gibuhat sakto. Ang mga tawo kanunay nga maningkamot nga dili maayo ang imong bation tungod sa mga butang nga wala nimo buhata. Tingali dili ka mahimong maayo kaayo alang nila. Okey ra gyud kana. Ang imong Langitnong Amahan ug si Jesukristo motan-aw kanimo nga maayo tungod sa pagsunod sa mga sumbanan. Imong maamguhan sa dili madugay nga ang imong gibuhat karon nakapalipay kanimo. Sa tinuod mao kana ang mahangturong kalipay nga nagagikan sa pagsunod sa imong mga sumbanan. Busa padayon, padayon sa pagsunod sa imong mga sumbanan!
Nathan O., Manila, Philippines