Fesili & Tali
O a ni gaoioiga e tatau ona ou faia i ou taimi avanoa ina ia sili atu ona taua?
Suesue i Aoaoga Faavae
O se tasi o auala e faaaoga ai ou taimi avanoa o le suesueina lea o aoaoga faavae a le Alii. Mai se mafaufauga faavavau, o le faitauga o tusitusiga paia, tala mai Mekasini a le Ekalesia, ma isi punaoa faaosofia o le a manuia ai oe sili ae nai lo le faia o isi gaoioiga.
Josh C. 13 tausaga, Tennessee, ISA
Galue Agai Atu i se Mea Gaosia Maea
Fai se mea e aoga. O nisi taimi ou te faamaimauina lou taimi e faia ai mea le aoga, e pei o le iloilo o le initoneti mo le lua itula, ma e ou te le fiafia iai i se taimi mulimuli. E mafai ona e taumafai e atiae se taleni fou, galue i lau polokalama o le Alualu i Luma o le Tagata Lava Ia po o le Tiute i le Atua, aoao se uso/tuagane (o le tusitala o se tamaitai) po o se uo, toto se faatoaga, tusi se tala, pe faatulaga lelei—o gaioioiga e leai se gataaga. O le tulafono ou te ola ai o le faamautinoaina o lou faaaogaina o ou taimi avanoa ua fesoasoani pea ia te au e galue agai atu i se mea gaosia maea.
Kimberly A., 19 tausaga, Alaska, ISA
Suesue i le Tusi a Mamona
Ou te faaaogaina ou taimi avanoa sili ona aoga ma taua e ala lea i le suesueina o le Tusi a Mamona. O le maa auau lea o la tatou tapuaiga ma, i saunoaga a le Perofeta o Iosefa Samia, tatou te “latalata atili atu i le Atua e ala i le ola ai i ona mataupu, nai lo se isi lava tusi” (faatomuaga i le Tusi a Mamona).
Lynne T., 18 tausaga, Accra, Kana
Avea Ma Se Tasi E Te Manao Iai
E iai se upusii i lou potu malolo e faapea, “Fesili ia te oe lava pe o mea o lo o e faia i le aso ua e latalata atu ai i le mea e te manao e iai taeao.” Mafaufau i le ituaiga o tagata e te manao e avea ai ma au sini o iai. Filifili e fai mea o le a fesoasoani ia te oe e ausia ai au sini. Fai mea e mafai ona faatasi ai le Agaga ma oe ma ogatasi ai ma tulaga faatonuina i le Mo le Malosi o le Autalavou.
Amy P., 16 tausaga, Kentucky, ISA
Usu pe Faalogo i Viiga
O le gaoioiga ou te fiafia e fai atili i ou taimi avanoa o le usuina o viiga. Sa ou fai ma sini e tauloto le tele o viiga o le Ekalesia e mafai ona ou fai. E masani ona ou siiina mai nisi o viiga ou te manao e aoao ina ia mafai ai ona ou faalogo iai i so o se taimi e maua ai sou avanoa.
Justice O., 16 tausaga, Orlu, Nigeria
Faatu ia Sini
Muamua e manaomia ona e mafaufau i le tagata e te manao e avea ai i ni nai tausaga. Ona e filifili lea le mea e te manao e fai nei i lou taimi avanoa e ausia ai lena sini. I le faaiuga o aso taitasi, ou te mafaufau i au sini ma fai se faatulagaga o mea o le a ou fai i le aso e sosoo ai i lou taimi avanoa.
Elder Agostinelli, 20 tausaga, Chile Santiago West Mission