Na o Polokalama Faakomepiuta
Salamo: O se Vaega o Lou Ala i le Atoatoa
“O le salamo e le o se aafiaga e maasiasi ai, e fesoasoani ina ia avea ai i tatou e faapei o Keriso.”
Sa ou ulu atu i le ofisa o le epikopo ma le lagona o matua le agavaa lava.
Na ataata le epikopo ma ofoina mai sou nofoa. Sa ou faamatala ia te ia le mea na tupu, ma lagonaina pea lava pea le maasiasi i upu taitasi. Sa ou fesili atu ma loimata i ou mata, “O le a se mea e tatau ona ou faia? E mafai faapefea ona ou toe mama atoatoa?”
Sa leai se tala a le epikopo mo sina taimi, ona ia faapea mai lea, “E mafai lava ona faamamaina oe mai lenei mea. Ae ou te le iloa e te malamalama i se vaega taua o le salamo.”
“O le a le uiga o lau tala?” Sa ou fesili, ma le lagona
O lo o e mafaufau i le salamo e faapei ua e ki se moli mai le pogisa i le malamalama,” ua ia faimai ai. “E faapea o oe o se 10 atoatoa, ma ona ua e agasala, ua avea nei oe o se 8 po o se 7.”
Sa luelue lemu lou ulu.
“I lona tulaga faatino,” na faaauau mai ai le epikopo, “E leai seisi o i tatou o se 10, o le mea moni, atonu ua tatou latalata i le 1 po o le 2. Ua le atoatoa i tatou e pei ona amata mai ai. E mafai e le salamo ona faamamaina i tatou mai le agasala, ae e fesoasoani lo tatou alualu i luma mai le 2 i le 3 ma mai le 3 i le 4 ma faapena lava seia ina tatou taunuu i lena atoatoaga o le 10 i se aso. O le salamo e fesoasoani e avea ai pea i tatou e faapei o Keriso.
Sa ma tatalo ma le epikopo ma poloaiina au e suesue i le meaalofa o le salamo.
Ina ua ou tuua lona ofisa, sa ou nofo i lau taavale mo se taimi umi lava, ma mafaufau i le mea na ia faimai ai.
Na ou iloa e sao o ia. Sa na ona ou mafaufau i le salamo o se auala e toe foi atu i le mea sa ou iai, o le toe avea lea ma “10”. Ona sa ou manatu ua faamamaina atoatoa o au muamua, o le mamafa o lena “atoatoa” na maua ai e au se lagona e le aoga ma le toe togiolaina—e pei foi ona sa ou lagona ai i soo lava se taimi ou te manaomia ai ona salamo.
Ae o le tatau ona salamo e le o se aafiaga leaga pe faalumaina—o le ogatotonu lea o le avea ai e faapei o Keriso. Ua mafai ai ona ou faatuanai au agasala i tua ma alagatatau ai ona avea ma se tagata lelei atu nai lo le taimi muamua. O le Faaola e le o se faafou mea, e faatumuina va i lou loto, ae o le tufuga tusiata, na te siitia au i mea maualuluga e le mafai lava ona ou faia.
O lenei malamalama ua aveesea ai lou manatu nofosala. Sa le atoatoa au ma e ou te le atoatoa lava—e le i oo iai. O le salamo o se vaega o lou ala i le atoatoa. Sa ou taunuu i lou aiga ma se manatu ua suia ma se loto ua maulalo.
Na amata mai ai lava ona ou salamo ma lafoai i agasala na auina atu au i le ofisa o le epikopo i lena aso, ma o le aso ua ou lagona moni le faamamaina. O lo o mamao ese mai pea au mai le atoatoa, ae faafetai ai, ua lava le alofa tunoa o Keriso e faasaoina ai. A faatasi ma Ia, e mafai ona faamagaloina au, faamaloloina, ma maua le malosi e faatoilalo ai ou vaivaiga. Ma e ala mai Lana meaalofa o le salamo, e mafai ona fausia au i le tagata e alagatatau ona avea ai au.