Itulau o le Lotoifale
Saofaga Atu le LDS Charities i le Poloketi o le Uafu i Faleu
Talu ai nei na faamanatuina ai e le nuu Samoa o Faleu le faamaeaga o le vaega muamua o le Uafu i Faleu. O lenei vaega na aofia ai le fauina o le uafu sima ma le auala savali e 22 mita.
O le LDS Charities sa mua i malae i le foai atu o le $25,000 mo le poloketi lea na amata ia Oketopa 2017.
O le aofaiga atoa o le tau o le toefaaleleiga e $226,436 ma sa amata le toe fausiga ia Oketopa o le tausaga ua tea.
Na talosaga mai le nuu o Faleu Manono mo se fesoasoani e lipea ai le latou uafu ina ua mavae le faaleagaina e le sunami.