O Atatosi o le Faatuatua
Darren ma Stacey Rea
Sini, Ausetalia
E fiafia Darren ma Stacey e faaalu lo laua taimi ma lo laua afafine, o Faatuatua, i se matafaga e latalata ane i lo latou aiga. Ao le i fanau mai Faatuatua, sa feagai i laua ma le tele o luitau matuia. I le le ma iloa le mea e fai, na faapea mai Darren, “Sa maua agai atu i le pogisa. Sa le iloa le mea sa maua agai atu iai.”
A o feagai ai ma le le mautinoa o le lumanai, sa iloa e Darren ma Stacey o lo laua faatuatua ia Iesu Keriso sa fesoasoani i luitau sa feagai ai i laua. “O lo o iai le filemu ma le fiafia silisili i le mulimuli ia Iesu ma faia le mea sao,” ua faimai ai Stacey.
Ua faafetai le aiga o Reas mo le agaga ua laua fiafia ai i lo la aiga. “O lo o i le talalelei mea uma,” ua faapea mai ai Stacey. “E mafai ai e i tatou ona fiafia i lenei soifuaga.”
O Faatuatua o se faamanatu lea ia Darren ma Stacey i faamanuiaga uma ua la maua. “O ia lava o se ave o le faamoemoe ma le faatuatua ma le fiafia! Ua faapea mai Darren.
Na faatau atu e Darren ma Stacey mea uma ina ia tulimatai lana miti i se galuega e faatinoina ata i se faletifaga i Lonetona, Egelani. Ae ina ua la iloa o le a maua e i laua se pepe ina ua tuanai le tele o tausaga o taumafai, ua la iloa ai la te le gafatia ona ola ai iina i le na o lona totogi.
Christina Smith, pue ata
Stacey: Sa amata ona ma talanoa e uiga i le toe foi atu i Ausetalia. E leai ni faletifaga i Brisbane. E alagatatau ona faamatuu atu le galuega a Darren.
Darren: Sa matou malaga agai atu i le pogisa. Sa matou le iloa le mea o i luma atu o i matou.
Stacey: Ina ua lima masina o lou maitaga, sa tuuina mai ia te au i se taimi puupuu se valaauga e lauga i le sauniga o le faamanatuga. O le autu o le iai o le faatuatua ia Iesu Keriso e ala i tofotofoga. E oo mai lava i lena taimi, ma te le i mautu i se igoa mo lo maua afafine. A o ou sauniuni mo le lauga, sa ou faitau i le Tusi Paia ma le Tusi Taiala i lalo o le ulutala o le “Faatuatua.” Sa ou vaai pea lava pea i le upu faatuatua, faatuatua, faatuatua, ma sa 100 pasene ai lou iloa le igoa e faaigoa ai lo maua afafine. Sa ou vaai atu ia Darren ma faapea atu, “Faatuatua. O le a fai lena ma ona igoa. O lena ou te manao e faaigoa ai lo taua afafine.”
Darren: Sa maua faatasi e i maua se lagona lelei e uiga i le igoa Faatuatua. Sa foliga ua faamautu ai aafiaga taitasi sa ma oo iai.
Stacey: E ao lava ona ia i maua se faatuatua tele e faamatuu atu ai le galuega a Darren, toe foi atu e aunoa ma se mea, ma toe amata ma le le mautinoa o ni galuega.
Darren: E ao lava ona agai atu i luma i le faatuatua ma talitonu o le a lelei mea uma. Na ma foi atu i le aiga ma sa ou tauaveina se galuega faafaiaoga i se mataupu talafeagai i se iunivesete. Ona ou faamanualia lea o lou tua ma tuua ai le galuega faafaiaoga.
Stacey: Sa matou nonofo faatasi ma ou matua. Sa leai sa matou tupe leai se taavale.
Darren: Sa ou lagona e faapei ua ou oo i se tulaga maulalo lava. Sa maitaga lou toalua, ae leai sau galuega ma sa le gafatia so maua nofoaga e nonofo ai.
Stacey: Na iai se taimi i le potu tamea i le fale o ou matua sa ma tootutuli ifo ai ma tatalo.
Darren: Sa le na ona ma tatalo, sa ma faatauanau atu mo se fesoasoani ina ia faatea lenei ma toe tutu i o maua vae.
Stacey: Masalo o le tatalo sili lea ona malosi ua ma faia faatasi. I le aso na sosoo ai, na valaau mai le tina o lou tina ma faimai o le a faatau sana taavale fou ma manao e aumai ma maua lana taavale tuai.
Darren: Sa matua faateia i maua.
Stacey: Ua ma lagona o se tali tonu mai lea i la maua talosaga.
Darren: Ona ma faalogo lea ua iai se faletifaga fou ua tatala i Brisbane. Sa maua ni au galuega faakonakarate i mea tau faatinoga o atatifaga.
Stacey: Sa leai so maua manatu o le a ia galue i mea tau faatinoga o atatifaga i Brisbane.
Darren: Ma sa tei ua asiasi mai lou uso ma aumai ni meataalo mo le pepe.
Stacey: Sa tele ni mea na foaiina mai e uo ma aiga mo lo maua afafine.
Ona fanau mai lea o Faatuatua ma—sa ou leiloa ona faamatalaina—o ia o le mea silisili sa lei tupu lava. O lea ua sili i le lua ona tausaga, ma ua matou siitia atu i Sini. O loo galue pea Darren i le faatinoga o atatifaga, sa maua le manatu o le a tupu. Ua maua lagona lava le faamanuiaina . O lo ma faatuatua ua taitaiina mai i maua iinei.
Darren: Ua maua vaaia lava le aao alofa o le Atua i o maua olaga. Ou te faamoemoe ua lagonaina e la maua pepe laitiiti o Faatuatua, se vaega o lo maua faatuatua a o matou savalia nei tofotofoga. O ia lava o se ave o le faamoemoe ma le faatuatua ma le fiafia!
Stacey: Ua maua aoao e tusa lava po o le a le mea o lo o tatou aafia ai, o le mea e sili ona taua e tatou te maua o le faatuatua i le Tama Faalelagi ma Iesu Keriso.
Soo lava se taimi tatou te liliu atu ai ia Iesu Keriso ma faatuatua ia te Ia, e mafai ona taulimaina mea uma. O lo o iai le filemu ma le fiafia silisili i le mulimuli ia Iesu ma faia le mea sao. O lo o i le talalelei mea uma. E mafai ai e i tatou ona fiafia i lenei soifuaga. Ua ou matua fiafia lava ma ou te iloa ona ua ou liliu atu i le Alii, faalagolago i le talalelei, ma iai le faatuatua.
Darren: Ua ou aoao e faapea ua tuuina mai e le Atua ia i tatou poloaiga ma tulafono ina ia maua ai e o tatou olaga le fiafia aua ua silafia e Ia le ata atoatoa. Afai tatou te le iloa le mea tatou te agai iai, e manaomia ona tatou faalagolago ia te Ia, tausi i Ana poloaiga, ma o atu ia te Ia i le tatalo. O le a Ia taitai i tatou i o tatou tofotofoga ma fesoasoani ia tatou faaleleia o tatou olaga.