Mga Istorya sa Kasulatan
Si David ug si Goliath
Gikan sa 1 Samuel 17.
Si David usa ka batang lalaki nga miatiman sa karnero. Ang iyang magulang nga mga igsoon mga sundalo nga naningkamot sa pagpanalipod sa ilang katawhan. Usa ka adlaw, ang amahan ni David misugo niya sa pagdala og pagkaon ngadto sa iyang mga igsoon.
Sa dihang miabut si David didto, nakita niya ang higante nga sundalo nga ginganlan og Goliath. Miingon si Goliath nga kon adunay si bisan kinsa nga makapildi niya, mahuman na ang gubat. Apan walay usa nga isug kaayo nga makig-away kaniya.
Miingon si David siya ang makig-away ni Goliath. Ang hari miingon ni David nga dili. Si David usa lang ka bata, ug si Goliath kusgan ug dako! Apan nasayud si David nga ang Dios motabang kaniya. Sa katapusan, ang hari miingon, “Lakaw ug ang Ginoo magauban kanimo.”
Wala magsul-ob si David og kalasag sama ni Goliath. Mipunit siya og bato ug gibutang kini sa iyang saplong. Iyang gilabay ang bato sa agtang ni Goliath. Natumba si Goliath! Midaug si David! Naluwas niya ang iyang katawhan.
Usahay mag-atubang ko og dagko, makahadlok nga mga problema. Sa dihang mangayo ko og tabang sa Dios, Siya motabang nako nga magmalig-on.