Ipadan-ag ang Imong Kahayag
Usa ka Nagdan-ag nga Pagpamatuod
Hi! Ang akong ngalan mao si Steffani! Naningkamot ko nga mopadan-ag sa akong kahayag pinaagi sa pagpakigbahin sa akong pagpamatuod.
Usa ka Matahum nga Isla
Nagpuyo ko sa Sri Lanka. Usa kini ka maanindot nga isla nga nasud duol sa habagatang tumoy sa India. Kami dunay tropikal nga kalasangan, asul nga tubig sa dagat, ug karaang makasaysayanong mga nangaguba. Mahal nako ang akong nasud!
Mga Higala bisan Asa
Ang akong eskwelahan adunay mga bata nga gikan sa daghang mga nasud. Ang uban mga Kristiyano, Muslim, Hindu, o Buddhist. Mabination ug mahigalaon kaming tanan ngadto sa usag usa.
1. Usa ka Makahadlok nga Imbitasyon
Usa ka adlaw ang mga estudyante nga Kristiyano adunay espesyal nga panagpundok. Gidapit kami sa pagpakigbahin sa among mga pagpamatuod. Nahilom pag-ayo ang kwarto. Walay usa nga miadto sa stage. Nahadlok kaayo ang tanan! Maulawon kaayo ko, mao usab akong gibati.
2. “Lakaw, Lakaw”
Dayon gibati nako ang tumang kainit, ug gibati nako ang Espiritu Santo misulti nako nga, “Lakaw, lakaw.” Nag-ampo ko sa akong kasingkasing. Naglakaw ko padulong sa stage nga gikulbaan pag-ayo.
3. Pagpakigbahin sa Akong Pagpamatuod
Gisultihan nako ang akong mga kauban sa klase nga ang Langitnong Amahan nahigugma kanamo ug gusto nga kami makigsulti Kaniya kanunay. Akong gipakigbahin ang akong mga kasinatian uban sa pag-ampo. Miingon ko nga ang Langitnong Amahan kanunay nga maminaw kanako ug gusto nga motabang kanako. Nalipay ko nga nakabaton og kaisug sa pagpakigbahin sa akong pagpamatuod. Gibati nako nga ako nahimong usa ka mahayag nga kahayag sa mahilom nga kwarto.
4. Lakaw ug Buhata
Ang akong paborito nga istorya sa kasulatan anaa sa Basahon ni Mormon, diin si Nephi miingon nga siya moadto ug mobuhat unsa ang gisugo sa Ginoo. Manghinaut ko nga makabaton ako kanunay og kaisug sa pagbuhat unsay gusto sa Langitnong Amahan nga akong buhaton.