Notebook sa Komperensya sa Oktubre 2017
“Unsa nga Ako ang Ginoo namulong, Ako namulong; … bisan pinaagi sa akong kaugalingon nga tingog o pinaagi sa tingog sa akong mga sulugoon, kini managsama ra” (D&P 1:38 ).
Samtang kamo magribyu sa kinatibuk-ang komperensya sa Oktubre 2017 inyong magamit kining mga pahina (ug mga Notebook sa Komperensya sa umaabut nga mga isyu) aron sa pagtabang kaninyo sa pagtuon ug paggamit sa bag-o nga mga pagtulun-an sa buhi nga mga propeta ug mga apostoles ug ubang mga lider sa Simbahan.
Ang Espiritu momatuod sa matag usa nato sa atong balaanong bili. …
“Tuguti ko sa pagpasabut sa panginahanglan sa paghatag og kalainan tali sa duha ka kritikal nga mga pulong: bili ug katakus . Dili kini pareha. Ang espirituhanong bili nagpasabut sa paghatag og bili sa atong kaugalingon sama sa paghatag og bili sa Langitnong Amahan, dili sama sa paghatag og bili kanato sa kalibutan. Ang atong bili natino na sa wala pa kita moanhi niini nga yuta. …
“Sa laing bahin, ang katakus makab-ot pinaagi sa pagkamasulundon. Kon makasala ta, dili kaayo ta takus, apan dili gyud nga wala na tay bili! Magpadayon ta sa paghinulsol ug maningkamot nga mahisama ni Jesus uban sa atong bili nga bug-os. … Bisan unsa pa, kita bililhon kanunay sa mga mata sa atong Langitnong Amahan. …
“… Kon ang gugma nga atong gibati alang sa Manluluwas ug sa unsay Iyang gibuhat alang nato mas dako pa kay sa enerhiya nga atong gihatag sa mga kahuyang, pagduha-duha, o dili maayong kinaiya, nan motabang Siya nato nga mabuntog ang mga butang nga nakaingon sa pag-antus sa atong kinabuhi. Luwason kita Niya gikan sa atong mga kahuyang.”
Imahe
women walking down the street
“Kon mosunod kamo sa Iyang mga sugo [sa Dios], Siya makagamit kaninyo sa Iyang buhat. Ang Iyang buhat ug himaya mao ang kahimayaan ug kinabuhing dayon sa katawhan.
“Ang mga propeta nagtawag kanato, akong mga sister. Magmatarung ba kamo? Magmaayo ba mo sa inyong hugot nga pagtuo? Makaantos ba kamo nga mahimong dayag ug lahi? Ang inyong kalipay bisan sa inyong mga pagsulay makapadani ba sa uban kinsa maayo ug dungganan ug kinsa nagkinahanglan sa inyong pakighigalaay? Pasigaon ba ninyo ang inyong kahayag? Ako magpamatuod nga ang Ginoong Jesukristo mag-uban kanato ug anaa sa atong taliwala.”
Sharon Eubank, Unang Magtatambag sa Kinatibuk-ang Kapangulohan sa Relief Society, “Pasigaa ang Inyong Kahayag Liahona, Nob. 2017, 9.
Gamita ang isyu sa Nobyembre 2017 o bisitaha ang conference.lds.org
“Ang Langitnong Amahan motabang kanato sa paghigugma bisan kadtong atong gihunahuna nga dili angay higugmaon, kon _________kita alang sa Iyang panabang.” —Neill F. Marriott, “Pagpuyo diha sa Dios ug Paghulip sa Kal-ang
“Daghan nato anaa sa talagsaong panaw sa _________. … Palihug pangutan-a ang inyong kaugalingon: Unsa ang inyong katapusang destinasyon? … Ang inyong panaw naggiya ba ninyo ngadto nianang “pinilo-pilo nga mga panalangin” nga gisaad sa Manluluwas?” —M. Russell Ballard, “Ang Malisud nga Panaw Nagpadayon!
“Ang Basahon ni Mormon usa sa bililhong mga gasa sa Dios ngari kanato. Pareho kining espada ug taming—nagpadala kini sa pulong sa Dios ngadto sa gubat aron makig-away alang sa kasingkasing sa mga makiangayon ug magsilbi isip pangulong _________ sa kamatuoran.” —Tad R. Callister, “Gamhanang Saksi sa Dios: Ang Basahon ni Mormon
Mga Tubag: 1. mangamuyo; 2. pagdiskubre; 3. tigpanalipud
Sa pagbasa, pagtan-aw, o pagpaminaw sa mga pakigpulong sa kinatibuk-ang komperensya bisitaha ang conference.lds.org