Mga Istorya sa Kasulatan
Noe
Dugay nang panahon, ang katawhan sa kalibutan mipili sa paghimo og dautan. Mipadala ang Dios og isug nga propeta ginganlan og Noe. Giingnan niya ang katawhan kinahanglan silang maghinulsol ug mahigugma sa Dios. Naminaw ba sila? Wala! Padayon silang naghimo og ngil-ad nga mga butang.
Gisultihan mi ni Noe nga Iyang tangtangon ang dili maayong mga butang sa kalibutan. Gisultihan sa Dios si Noe nga maghimo og dakong barko nga gitawag og arka. Didto sa arka gipasulod ug gipundok ni Noe ang mga hayop ug ang iyang pamilya. Dayon misugod sa pag-ulan.
Miulan og 40 ka adlaw ug 40 ka gabii. Natabunan sa tubig ang tibuok kalibutan! Si Noe ug ang iyang pamilya luwas ra sa sulod sa arka.
Sa katapusan ang ulan mihunong na. Ang baha mihubas na. Nakita ni Noe ang bangaw sa langit. Misaad ang Dios nga dili na mobaha pag-usab ang tibuok kalibutan.
Pwede kong mahimong sama ni Noe ug maminaw sa Langitnong Amahan. Nasayud ko nga motuman ang Dios sa Iyang mga saad. Kon sa Iyang mga sugo ako motuman Iya kong panalanginan.