Unsay akong buhaton kon ang suod nakong kapamilya ug mga higala magduha-duha ug mobiya sa Simbahan?
Kon ang mga tawo nga suod nimo magsugod sa pagduha-duha kon tinuod ba ang Simbahan, higugmaa sila ug pagmalig-on. Kon makig-istorya sila nimo mahitungod sa Simbahan, tutuki unsay ilang mga pagbati kay sa prubahan nimo nga ikaw ang eksakto. Bantayi nga dili nila bation ang kaulaw tungod sa ilang pagduha-duha o mga pangutana. Ayaw ipakita nga nakuratan ka o nasakitan, bisan og mao kanay imong gibati. Kon mahimo, pakig-istoryahi sila bahin sa ilang mga pangutana sa kalma nga paagi ug paningkamuti ang pagtabang nga makit-an nila ang mga tubag ug mapadayon ang pagtuo, ug gituohan, ug pagpamatuod nga ilang gihuptan (alang sa tabang, tan-awa lds.org/go/91763).
Kon duna may dili na ganahan sa Simbahan, dili angayang matapos pud ang inyong relasyon. Higugmaon, magmabination ug mag-ampo para nila. Kon dili na magkauyon ang inyong pagbati sa Simbahan ug sa ebanghelyo, ipadayon ang mga butang nga inyong kauyunan. Pahibaloa sila nga naghunahuna ka kanila, dili lang bahin sa ilang pagkalambigit sa Simbahan. Apan ayaw usab ihunong ang kaugalingon nimong mga espirituhanong tumong. Paningkamuti nga mabayaw sila, apan ayaw itugot nga sila ang mobira nimo paubos.