Atong Luna

2017

Atong Luna

Septyembre 2017

Atong Luna

Ang mga Panalangin sa Seminary

Atol sa akong second year sa seminary, tulo nalang kaming mga estudyante sa among klase, apan aduna kami talagsaon nga magtutudlo nga malingaw sa pagpakigbahin sa ebanghelyo uban kanamo. Sa usa ka klase nakat-unan namo kon unsa ka daghan sa mga tawo nga naghunahuna nga ang Simbahan mabungkag na human sa mga kamatayon nilang Joseph Smith ug sa iyang igsoon si Hyrum. Apan ang ubang nag-unang mga miyembro sa Simbahan nahinumdom nga kini ang Simbahan sa Dios, dili Simbahan sa tawo. Ang among magtutudlo mitudlo kanamo nga ang Simbahan dili mapakyas tungod kay kini ang Simbahan ni Jesukristo.

Sa walay pagduha-duha nga ang among mga kinabuhi nausab pinaagi niana nga leksyon. Nianang hapona, nakahukom kami nga moserbisyo sa Ginoo sa tibuok namong kasingkasing, kalag, ug kusog. Nangandam kami sa pagserbisyo og full-time nga misyon. Nagpadayon ko sa pagtambong sa seminary.

Sulod sa mosunod nga duha ka tuig, makasulti ko kon unsa ka bulahan ang akong kinabuhi nga nagtambong sa seminary, ingon man ang pagpangandam sa pagserbisyo sa Ginoo miamuma sa akong pagpamatuod ug sa akong tinguha sa pagserbisyo.

Ang pagtambong sa seminary nagkumpirmar kanako kon unsa ko ka espesyal ngadto sa Langitnong Amahan. Kini nakatabang kanako sa paggamit sa ebanghelyo sa akong kinabuhi, ug labaw sa tanan nakatabang kini kanako nga makasabut nga ang ebanghelyo dili usa ka butang nga atong sundon lang ma-Dominggo. Ang seminary nagkumpirmar sa akong tinguha sa pagserbisyo og misyon. Walay pagduha-duha sa akong hunahuna nga ang mga panalangin sa seminary magpabilin sa akong kinabuhi. Walay nag-ingon nga sayon kini, apan kon kita mohukom sa pagtambong sa seminary, ang Ginoo mopanalangin kanato ug mohatag kanato og kusog nga gikinahanglan sa pagtuman sa mga tinguha sa atong kasingkasing.

Begona C., Guayaquil, Ecuador