Mga Tawo sa Kasaysayan sa Simbahan
Ang mga Sister sa Relief Society ug ang Nauvoo Templo
Guntinga kini nga mga litrato alang sa pagpaambit sa mga sugilanon sa Simbahan.
Ang unang mga Santos namuyo sa dapit nga gitawag nila og Nauvoo. Gikugihan nila ang paghawan sa lapukon nga yuta ug gitukod ang ilang mga balay. Gitukod usab nila ang Nauvoo Temple! Ang mga lalaki namutol ug nanghakot og mga bato. Ang mga babaye ang miluto og mga pagkaon, mitahi og mga sinina para sa mga lalaking nagtrabaho, ug nangolekta og mga sensilyo nga ipalit og mga suplay. Naorganisar ang Relief Society, nga si Emma Smith ang unang presidente. Niining panahona, ang bag-ong mga miyembro sa Simbahan nagpundok sa Nauvoo gikan sa tibuok kalibutan. Si Jane Manning milakaw og 800 ka milyas (1,290 kilometros) gikan sa New York aron makig-uban sa mga Santos!