Notebook sa Abril 2017 nga Komperensya
“Unsa nga Ako ang Ginoo namulong Ako namulong; … bisan pinaagi sa akong kaugalingon nga tingog o pinaagi sa tingog sa akong mga sulugoon kini managsama ra” (D&P 1:38 ).
Samtang kamo magribyu sa kinatibuk-ang komperensya sa Abril 2017 inyong magamit kining mga pahina aron sa pagtabang kaninyo sa pagtuon ug paggamit sa bag-o nga mga pagtulun-an sa buhi nga mga propeta ug mga apostoles ug ubang mga lider sa Simbahan.
Imahe
Sister Bonnie H. Cordon
“‘Sumalig ka sa Ginoo sa bug-os mong kasingkasing; Ug ayaw pagsalig sa imong kaugalingong salabutan’ [Proverbio 3:5–6 ]. …
Sa Iningles ang pulong nga lean nagpasabut sa pisikal nga pagbalhin o pagharag sa pikas kilid. Kon pisikal kitang mobalhin o moharag ngadto sa pikas, mawala kita sa sentro, mawala sa balanse, ug madakin-as kita. Kon sa espiritwal nga paagi mosalig ra sa atong kaugalingong salabutan, mipalayo kita sa Manluluwas. …
“… Tanan kita makasalig sa Ginoo ug dili mosalig sa atong kaugalingong salabutan. Atong masentro ang atong kinabuhi diha sa Manluluwas pinaagi sa pagkaila Kaniya, ug Iya kitang tultulan sa atong mga dalan.”
“Ang naghinulsol nga makasasala mas mapaduol ngadto sa Dios kay sa nagpakatarung sa kaugalingon nga tawo nga mipanghimaraut niana nga makasasala.” ___________________
“Ang makaaghat sa pag-isa sa tingog sa pasidaan mao ang gugma—gugma sa Dios ug gugma sa isigkatawo. Ang pagpasidaan mao ang pagpakabana.” ___________________
“Kon ang gugma sa Dios mao man ang melodiya sa atong giambitan nga awit, labing siguro ang pagsunod Kaniya nga gipaningkamutan natong tanan maoy huni nga pinakaimportante gayud.” ___________________
Talagsa ra kini nga eksepsyon kaniadto para sa kabatan-onan aron madala sa templo ang mga ngalan sa kaugalingon nilang katigulangan. Normal ra kini.” ___________________
Mga tubag: (1) Dale G. Renlund, (2) D. Todd Christofferson, (3) Jeffrey R. Holland, (4) Henry B. Eyring
Sa pagbasa, pagtan-aw, o pagpaminaw sa mga pakigpulong sa kinatibuk-ang komperensya bisitaha ang conference.lds.org .