Usa ka Painting ni Kristo
Matag Dominggo sa gabii ang akong papa ug ako magkauban og lingkod ug magtrabaho sa akong mga tumong sa akong booklet nga Hugot nga Pagtuo diha sa Dios. Usa sa mga tumong nga gusto nakong makompleto sa pagpalambo og mga talento mao ang pag-paint og hulagway ni Kristo.
Human nako mahimo ang tumong, usa nako ka higala sa eskwelahan ang midapit nako sa iyang unang pagkalawat. Ang unang pagkalawat usa ka espesyal kaayo nga okasyon sa Simbahang Katoliko. Kini mao ang unang higayon nga ang usa ka tawo makaambit sa sakrament. Ang akong higala daghan og gihimo aron sa pagpangandam alang sa iyang unang pagkalawat, ug nasayud ko nga importante kaayo kini ngadto kaniya.
Nakahukom ko nga mag-paint og hulagway ni Kristo aron ihatag ngadto niya isip usa ka regalo. Nagtrabaho gyud ko og maayo sa akong painting. Dihang nahuman nako kini, mipalit ko og usa ka nindot nga frame nga kabutangan niini ug mihatag niini ngadto sa akong higala. Mapasalamaton kaayo siya nini. Nakahimo kini kanako nga mobati og nindot sa paghatag niini ngadto kaniya ug mahimong kabahin sa iyang espesyal nga adlaw.