Mga Ideya sa Family Home Evening
Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka mga ehemplo.
“Unsa ang Among Gituohan,” pahina 8: Kini nga artikulo nagtudlo nga, “Samtang atong gipaluyohan ang propeta ug mga apostoles, makabaton kita og usa ka pagpamatuod kanila isip mga sulugoon sa Dios.” Mahimo ninyong palamboon ang inyong pagpamatuod sa mga propeta pinaagi sa pagbasa o pagpaminaw ngadto sa mga pakigpulong sa kinatibuk-ang komperensya. Isip usa ka pamilya, ikonsiderar ang pagbasa sa usa sa bag-ong pakigpulong ni Presidente Monson ug pilia ang usa sa iyang tambag nga sundon. Samtang inyong gisunod unsay gihangyo sa propeta, paningkamoti nga maila kon sa unsang paagi nga ikaw napanalanginan.
“Dali, Sunod Kanako: Pagtudlo sa mga Sukaranan diha sa Panimalay,” pahina 28: Ikonsiderar ang pagtuon sa Dali, Sunod Kanako nga hilisgutan isip usa ka pamilya sulod sa usa ka bulan. Mahimo ninyong tun-an ang mga aspeto sa inyong napili nga hilisgutan matag semana, gamit ang mga kasulatan o uban nga mga abag sa pagtudlo sama sa Isangyaw ang Akong Ebanghelyo, LDS.org, ang Giya ngadto sa mga Kasulatan, ug Ang Kinabuhi ni Kristo Bible Videos. Sa family home evening matag semana, mahimo ninyong ipakigbahin unsay inyong nakat-unan ug gibati.