Mga Bayani diha sa Basahon ni Mormon
Si Abish usa ka Misyonaryo
Ang papa ni Abish mitudlo niya nga tuohan si Jesukristo. Sa iyang siyudad, dili daghan ang mituo ni Jesus. Human si Ammon miadto sa iyang mga tawo ug gitudloan si Haring Lamoni, si Abish nahibalo nga gusto sa Langitnong Amahan nga ipakigbahin niya ang ebanghelyo ngadto sa mga tawo. Sa katapusan iyang nasultihan ang tanan mahitungod ni Jesus.
“Si Abish ug ang Rayna,” Marley D., edad 6, Washington, USA
Kausa mihimo ang among pamilya og usa ka mission plan. Mihukom kami unsay buhaton sa matag usa kanamo. Mihukom ko nga hatagan ang akong teacher sa grade two og usa ka Basahon ni Mormon. Dihang gihatag nako sa iyaha, miingon siya, “Salamat, Adam. Ganahan ko nga mobasa.” Nalipay gyud ko nga nakahimo mi og usa ka mission plan.
Amanda W., edad 8, Utah, USA