Aoao e Ta se Viiga i le 10 Minute!
Afai e te lei taina muamua le piano, ae sa e manao i taimi uma e aoao, o lou avanoa lenei. Pau lava le mea e te manaomia o se piano feaveai. E tusa lava pe e le o i ai sau piano i le fale, e mafai ona e alu ma ave le tusiga lenei i se nofoaga e i ai se piano po o se piano feaveai e amata aoao ai.
O le lesona lenei e ese le faatauvaa ma faigofie lea o le a mafai ona e taina se viiga pe a oo ina uma. O le mea moni, e mafai ona e taina le fati o le viiga i le lesona lenei i le pe a ma le 10 minute!
Ua sauni? Tatou amata!
Sauni e Ta le Piano
-
A o saofai i le piano ma tuu ou tamaillima i luga o le piano feaveai, ia tulei i tua le nofoa i le mamao e pipio teisi ai ou tulilima.
-
Saofai i le ogatotonu o le nofoa, i luma tonu o le ogatotonu o le piano feaveai.
-
Saofai i le faatausiusiuga pito i luma o le nofoa ma faasao lou papatua ma lou mamafa agai i luma.
-
Tuu ou vae i luga o le fola.
-
Saofai faalelei, ma faatumau lelei lou nofoa.
-
Ia mautinoa o loo malamalama lelei e te iloa ai le musika ma le piano feaveai.
-
Tu i luga. Tuu ou lima i ou autafa e faamalolo ai. Matau le otometi ona faaofuofu, e pei o loo uuina se polo. Ao e toe saofai, tuu ou tamailima i luga o le piano feaveai, ma ia faatumau ai lava le faaofuofu lena.
-
Tuu ou lima i luga ae o le piano feaveai, ma faapapai ou tamailima latalata atu i le ogatotonu o le vaega tele o ki papae. Tuu ou alofilima i luga ae o le piano feaveai, ia aua nei papai i luga o ki po o luga foi o le laupapa i lalo ifo o ki.
-
Oomi le ki i le vaega malu o lou tamailima i lalo ae tonu o le tumutumu o le tamailima. Ia tausisia pea le faaofuofu o tamailima taitasi, sii mai i le tuelima o le tualima. Ao e oomia le ki, faapipio pea sooga o ou tamailima.
Ta e ala i Numera o Tamailima
Ina ia fesoasoani e tuu sao le tamailima i ki taitasi, ua faanumera ai tamailima e pei ona faaalia ii. Ua tusi numera o tamailima i autafa o nota i le itulau.
Tuu lou lima i luga ae o soo se vaega o ki tailima, e tuu tamailima taitasi i luga ae o se ki e tasi. Faataitai numera o tamailima i le taina o ki i le tamailima sao e pei ona faaalia. O nota e i ai au e o agai i luga e mo le lima taumatau. O nota e i ai au e o agai i lalo e mo le lima agavale.
Taina o le “E I Ai se Mauga Lanu Vao”
Tuu ou lima i luga o le piano feaveai e pei ona faaalia i lalo.
Faaaoga vaega o ki uli tailua ma taitolu e fesoasoani e maua ai le tulaga sao.
Ta le viiga lenei, i le mulimuli i numera o tamailima e pei ona faaalia. O nota e i ai au e o i luga e mo le lima taumatau, ae o nota e o i lalo au e mo le agavale. Faataitai le viiga seia oo ina e masani lelei i ai. Faaaoga mataupu faavae o le auala lelei e faataatitia ai tamailima ua lisiina i le lisi o mea e iva e fai.
Ia o lenei la ua faailoa atu oe i le taina o le piano ma ua e aoaoina se fati o se viiga faigofie. Ina ia taina isi viiga, e manaomia ona e aoaoina nisi o mataupu faavae autu e uiga i pao, aluga [o le musika], ma nota.
O le vaega sili ona lelei lenei: o le lesona na faatoa e aoaoina o le lesona muamua lea i le Church Keyboard Course, o loo maua i gagana e ono mai le faletusi a le Ekalesia.1 O faatonuga faigofie e mulimuli ai, e fesoasoani e te aoao ai oe lava pe o ni vaega. E mafai foi ona e faaaofia ai lou aiga atoa i le aoaoina faatasi o le piano, o se gaoioiga o le afiafi faaleaiga. E na o le ono vaiaso e mafai ona faamaeaina ai le kosi.
E tele suesuega ua faaalia ai o lesona patino o musika e fesoasoani e alualu ai i luma le taulai atu o tamaiti aoga, maoae i tulaga faaleaoaoga, ma tomai i talatalaga.2
E ala i le aoaoina o tomai o le musika, tatou te atiina ae ai taleni ua tuuina mai e le Alii ia i tatou, faateleina lo tatou malamalama, ma aoao ai le tele o auala eseese e mafai ona tatou faaaogaina ai lo tatou malamalama ma taleni e fausia ai Lona malo.