Moronae, o Lo’u Tina, ma se Lesona mo Lo’u Olaga

Saunia e Louisa Hoe

E alaala le tusitala i Sigapoa.

O le a fesoasoani lenei lesona mai le Tusi a Mamona ia te au e iloa ai e le tuulafoaiina lava au faaleagaga.

Ata

Moroni (Book of Mormon prophet) kneeling beside a tree as he places the gold plates into a box. The box is lying in a hole dug into the ground. There are trees in the background.

Faamatalaga mai le Moronae o Tanumia Papatusi,saunia e Gary Ernest Smith

Sa suia mea e tele mo au i le tausaga na atoa ai lo’u 17. Sa ou sii atu i se aoga fou ma ou agai atu ai i lo’u tausaga lona tolu i le seminare. E le gata i lea, ae sa i ai foi so’u faiaoga seminare fou: o lo’u tina.

Pe na ou ta’ua e na o au le tagata aoao o lana vasega? Ona o le a’oga lea o le a ou a’e i ai e itula e alu ai le nofoaafi mai le mea sa ou ofo ai, sa tonu ai i lo’u tina e aoao au i le vaveao i le seminare i le fale ina ia mafai ai ona ou vave taunuu i le aoga. Sa manuia au ona o lona faiaoga ia te au i aso uma, ae sa avea foi ma se mea sa ou faaatu ai. E tatau ona ou avatu ia te ia lo’u gauai atoatoa, lea sa faapitoa lava i se tauiviga i le 5:30 i le taeao.

Ina ua ma suesueina le Tusi a Mamona, sa ma tau atu ia Moronae, o se perofeta e ese lo’u faamemelo i ai. Ae ui i lea, ou te mafaufau pea lava: Aisea na tuua toatasi ai ia Moronae? Aisea na lei auina atu ai e le Tama Faalelagi se tasi la te toalua? Aisea na lei faitio ai ina ua tuua nao ia e le Alii e faauma le Tusi a Mamona?

Na faamalamalama mai e lo’u tina, ona o lona amiotonu ma le faatuatua i le Tama Faalelagi, na iloa ai e Moronae sa lei tuua lava na o ia. Sa i ai le Tama Faalelagi ma Iesu Keriso e fesoasoani ia te ia e faamae’a le Tusi a Mamona. Sa ou iloa ai sa lei manaomia i lena taimi e Moronae se isi e faaletino iina, aua sa ia iloa sa i ai iina se tagata faaleagaga, sa vaavaaia o ia. Sa ia iloa o le a le tuua lava na o ia e le Tama Faalelagi.

Sa i ai se aafiaga tele o au i lena mea. Ua ou iloa nei o soo se taimi lava ou te manatu ai ua na o au, ou te le na o au faaleagaga talu ai o loo ia te au le mafutaga mai a le Agaga Paia, o le e fesoasoani ia te au ia ou lagonaina le latalata atu i lo’u Tama ma Iesu Keriso. Ou te iloa a i ai lava lo’u faatuatua ma le faalagolago i le Alii, o le a ou le savali toatasi lava.

O lenei lesona faapitoa e i ai se aafiaga i lo’u faatuatua ma la’u molimau i le Tama Faalelagi ma Iesu Keriso. E ui lava sa ou popole i le faia o le seminare i le fale, a o lea ua ou faafetai tele ona sa ou maua ai ni aafiaga faapitoa e aoao faatasi ai ma lo’u tina.

Aiga: O Le Falefaigaluega e Aoao ai le Talalelei

Ata

Final official portrait of Cheryl A. Esplin, second counselor in the Primary general presidency, 2011. Released as second counselor and sustained as first counselor at the April 2015 general conference. Released at the April 2016 general conference.

“O se nofoaga e tasi e sili ona lelei tatou saili ina ia faatumulia ai i le malamalama ma le upumoni o o tatou lava aiga. … O aiga o le falefaigaluega lea a le Alii i le lalolagi e fesoasoani ia i tatou e aoao ma ola ai i le talalelei. Tatou te o mai i o tatou aiga ma se tiute paia e fesoasoani e faamalolosia le tasi ma le isi faaleagaga.

“O aiga malolosi e faavavau ma fale e faatumulia i le Agaga, e le o se mea e faafuaveta. E alu ai i taumafaiga sili, e alu ai le taimi, ma e manaomia ai tagata taitasi o le aiga e faia lana lava vaega. E eseese aiga uma, ae o aiga uma e oo lava i se tagata e toatasi e saili mo le upumoni, e mafai ona faia se eseesega.”

Cheryl A. Esplin, fesoasoani muamua i le Au Peresitene aoao o le Peraimeri, “Faatumuina o Tatou Aiga i le Malamalama ma le Upumoni,” Liahona, Me 2015, 8.

Manatu mo le Aoaoina ma Ola ai i le Talalelei i le Fale

Faamaumau uunaiga faaleagaga. O le tusi i lalo o au uunaiga e mafai ona fesoasoani ia te oe ia e nofouta atili ai faaleagaga, e aofia ai pe a uma ona e tatalo, faitau tusitusiga paia, pe auai foi i le faatinoina o afiafi faaleaiga.

Faasoa atu mea ua e aoaoina mai le seminare, lotu, lou suesueina o tusitusiga paia, po o ni manatu e oo mai lou olaga i aso taitasi. Faasoa atu o manatu o le a faamalosia ai isi.

Sauniuni mo afiafi faaleaiga. Mo se faataitaiga, e mafai ona fai atu i ou matua mo se tofiga, pe e mafai foi ona malilie lou aiga e tofu le tagata ma lana lauga o le konafesi e faitau po o se mataupu o se tusitusiga paia ma talanoaina faatasi i le isi a outou afiafi faaleaiga.

Aoao mai le olaga i aso uma. O a ni tulaga e manaomia ai oe e faaaoga le faatuatua? O a ni ou avanoa o i ai e tausia au feagaiga? O faapefea ona molimau ia Keriso ia mea o siomia ai oe?