Puipuia le Saolotoga o Tapuaiga
Elder Dallin H Oaks o le Korama a Aposetolo e Toasefululua na saunoa i le Aufono a le Atenitina mo Sootaga Faavaomalo (CARI) i Atenitina i le aso 23 o Aperila, 2015.
ata na pueina © 2015 Puletaofia e le Intellectual Reserve, Inc. Ua taofia aia tatau uma.
O i latou o e talitonu, na tuuina mai e le Atua ia i tatou le tomai e filifili ai le mea sao ma le mea sese e tatau ona galulue faatasi e faamalosia le saolotoga e lagolagoina ma faatino talitonuga faalelotu, na saunoa mai Elder Dallin H. Oaks o le Korama a Aposetolo e Toasefululua i se lauga i le Aufono a le Atenitina mo Sootaga Faavaomalo.
“O le faasaoina o le saolotoga o tapuaiga, e faalagolago lea i luga o le malamalama lautele ma le lagolago mo lenei saolotoga taua,” o lana tala lea. “E fuafua lava i luga o le tulaga faatauaina a tagata lautele e fesootai ai i aoaoga o le mea sa‘o ma le mea sese i ekalesia, sunako, ma faletapuai. O e talitonu ma e le talitonu e tatau ona maua le fesoasoani ina ia malamalama o le faatuatua i le Atua—na faamanino mai e ui i lea—e faaliliuina aoaoga faalelotu i totonu o le amio pulea lea e manuia ai malo.”