2016
O Le Aiga: O Se Folafolaga i le Lalolagi
Ianuari 2016

Savali a Faiaoga Asiasi

O Le Aiga: O Se Folafolaga i le Lalolagi

Ia suesue ma le agaga tatalo lenei savali ma saili ia iloa mea e faasoa atu. E faapefea i le malamalama i le aoaoga faavae o le aiga ona faamanuiaina i latou e te leoleoina e ala i faiaoga asiasi? Mo nisi faamatalaga, alu i le reliefsociety.lds.org.

Faatuatua, Aiga, Toomaga

Ata
Family at the ocean.

O le sauniga aoao a Le Aualofa i le 1995, ina ua faatoa faitauina e Peresitene Gordon B. Hinckley (1910–2008) le “O Le Aiga: O se Folafolaga i le Lalolagi,” Bonnie L. Oscarson, peresitene aoao o Tamaitai Talavou, na saunoa mai: “Sa matou faafetai ai ma faatauaina le manino, faigofie, ma le moni o lenei pepa o faamatalaga o se faaaliga. … O le folafolaga i le aiga ua avea ma a tatou fu’ataualuga mo le faamasinoina o filosofia o le lalolagi, ma ou te molimau atu o mataupu faavae ua tuuina mai ai … ua moni i le taimi nei e pei ona sa tuuina mai ai ia i tatou e se perofeta a le Atua i le toeitiiti atoa le 20 tausaga talu ai.”1

“Mai le folafolaga i le aiga,” na faaopoopo mai Carole M. Stephens, fesoasoani muamua i le au peresitene aoao o Le Aualofa, “ua tatou aoao mai ai, ‘I le muai olaga, na iloa ma tapuai atalii ma afafine agaga i le Atua o lo latou Tama Faavavau’2 …

“… E taitasi i tatou ma manaomia i le aiga o le Atua.”3

Ua tatou ola i se taimi e tatau ai i matua ona puipuia o latou aiga ma auaiga. “O Le Aiga: O Se Folafolaga i le Lalolagi” e mafai ona taialaina i tatou.

Mau Faaopoopo

Mosaea 8:16–17; Mataupu Faavae ma Feagaiga 1:38

O Tala Ola

“Fai mai Lee Mei Chen Ho mai le Uarota Tolu a Yuan, Siteki o Tao Yuan Taiwan, o le folafolaga ua aoaoina ai o ia, e fesoasoani i sootaga faaleaiga i le atinaeina o uiga paia e pei o le faatuatua, onosai, ma le alofa. ‘Pe a ou taumafai e faaleleia atili a’u lava e tusa ai ma le folafolaga, ou te mafai ona mauaina le fiafia moni,’ o lana tala lea.”4

O Barbara Thompson, sa i ai ina ua faitau mo le taimi muamua lava le folafolaga ma avea mulimuli ane ma se fesoasoani i le au peresitene aoao o le Aualofa, na fai mai: “Sa ou mafaufau mo sina taimi faapea [o le folafolaga i aiga] e lei faatatau tele ia te au talu ai ona ou te lei faaipoipo ma e lei i ai se fanau. Ae toetoe lava ina pei o le vave o lo’u mafaufau, ‘Ae e faatatau ia te au. O au o se tasi o se aiga. O au o se afafine, se uso, se uso o se tina, se tausoga, se teine o, ma se afafine o le atalii. … E tusa Lava pe na o au se tagata o lo’u aiga o ola, o a’u lava o se tasi o le aiga o le Atua.’”5

Faamatalaga

  1. Bonnie L. Oscarson, “O Tagata e Puipuia le Folafolaga,” Liahona, May 2015, 14–15.

  2. “O Le Aiga: O se Folafolaga i le Lalolagi,” Liahona, Nov. 2010, 129.

  3. Carole M. Stephens, “O Le Aiga e Ou Le Atua,” Liahona, May 2015, 11.

  4. Nicole Seymour, “‘O Le Aiga: O se Folafolaga i le Lalolagi’ ua aulia le Atoaga o le 10-Tausaga, Liahona, Nov. 2005, 127.

  5. Barbara Thompson, i le Afafine i Lo’u Malo: O Le Talafaasolopito ma le Galuega a le Aualofa (2011), 148.