Iloaina o le Aiga Atua

Ianuari 2016

Iloaina o le Aiga Atua

Saunia e Elder Jeffrey R. Holland

O Le Korama a Aposetolo e Toasefululua

Ata

Elder Jeffrey R. Holland

Mai se saunoaga, “O Le Aiga Atua,” na tuuina atu i le semina mo peresitene fou o misiona i le Nofoaga Autu o Aoaoga Mo Faifeautalai i Provo i le aso 23 Iuni, 2013.

E tatau ona tatou iloa nei Tagata Paia i soo se auala tatou te mafaia. E tatau ona tatou alolofa ia i Latou, faalatalata atu ia te i Latou, usiusitai ia i Latou, ma taumafai ia faapei o i Latou.

Ata

Painting of the first vision by Walter Rane. The Father and Son appear to Joseph Smith in the sacred grove.

O Le Uluai Faaaliga Vaaia, saunia e Walter Rane

Na saunoa le Perofeta o Iosefa Samita, “O le uluai mataupu faavae o le talalelei ia iloa ma le mautinoa le uiga o le Atua.”¹ E le gata i lea, sa ia faaopoopo mai, “ou te manao ia te outou uma ia iloa o Ia, ma ia masani ia te Ia.”² E tatau ona tatou maua “se manatu sa’o i … lona atoatoa, ma uiga faaleatua” ma o se saafiafiga mo “le silisiliese o [Lona] uiga.”³

Ou te fia faalautele atu le lu’i a le Perofeta ia i tatou ma fai atu ai o i tatou ma a tatou faifeautalai, o o tatou tagata auai, ma o tatou tagata sailiili e tatau ona tatou iloa ma le mautinoa le uiga o tamalii o le Aiga Atua. E tatau ona i ai so tatou manatu sa’o i lo Latou atoatoa ma o Latou uiga faaleatua taitoatasi ma se faamemelo mo le silisiliese o o Latou uiga patino.

E le o se mea tupu fua le mataupu faavae muamua o lo tatou faatuatuaga, “Matou te talitonu i le Atua, le Tama Faavavau, ma Lona Alo o Iesu Keriso, ma le Agaga Paia” (Mataupu Faavae o le Faatuatua 1:1). E manino lava le savali mo i latou uma o e aoao atu le talalelei. E leai se uiga o lo tatou sopo atu i isi upumoni tatou te talitonu i ai pe afai tatou te le’i tamauina i o tatou mafaufau ma mafaufau o i latou tatou te aoaoina le matafaioi aupito silisili a le Aiga Atua i a tatou aoaoga faavae ma lo tatou taunuuga e faavavau. E tatau ona tatou iloa nei Tamalii Paia i soo se auala tatou te mafaia. E tatau ona tatou alolofa ia i Latou, faalatalata atu ia te i Latou, usiusitai ia i Latou, ma taumafai ia faapei o i Latou.

Pe a tatou aumaia tagata i totonu o le Ekalesia, tatou te le o papatisoina i latou i totonu o le Ekalesia a se tagata, pe o lena alii o Iosefa Samita po o Polika Iaga pe o Thomas S. Monson—tatou te faamamaluina na perofeta pe a tatou faia. Ma e tatou te le o papatisoina i latou i totonu o le Ekalesia o aiga fiafia, po o le Aufaipese a le Tapeneko.

A tatou aumaia tagata i le Ekalesia, tatou te papatisoina i latou i le suafa o le Tamā, ma le Alo, ma le Agaga Paia. O le faia o lena mea, o tatou o loo tatou taialaina i latou e toe foi atu i le afioaga o le Tama e ala i le galuega, Togiola, ma le alofa tunoa o Lona Alo, ma le uunaiga a le Agaga Paia e taialaina ai i latou i lenei sini. E tatau ona lava ona tuu faatumutumu i o tatou mafaufau lenei tulaga aupito taua o le Aiga Atua aua o le uiga lea ma le iuga a o tatou faia le galuega o le faaolataga.

Afai, e pei ona fautua mai le Tupu o Peniamina, tatou te iloa moni nei Tagata Paia o loo tatou auauna atu i ai ma ia mautinoa e le o i Latou o ni tagata ese ia i tatou ma e le o mamao lava mai mafaufauga ma faamoemoega o o tatou loto (tagai i le Mosaea 5:13), ona mafai lea ona tatou maua le taunuuga na oo i ai le Tupu o Peniamina. Ma o a na taunuuga? Na iloa e lona nuu “se suiga tele,” sa “le toe i ai se manao e fai amio leaga, ae ia faia mea lelei e le aunoa,” ma sa “malilie e ulu atu i se feagaiga … e fai le finagalo [o le Atua] o le a, ma usiusitai i ana poloaiga i mea uma [o le a] ia poloai atu a ia i [latou], i aso uma o totoe o lo [latou] ola” (Mosaea 5:2, 5).

Ata

Large out door scene with a market square/campsite in the foreground and green hills in the background. In the right foreground there is the side of alarge stuped tent; the tent has an awning supported by ropes and poles. Hanging from the awning is a series of poles. Underneath the awning is a mother with several children all in highly colored tunics and skirts. In the left foreground is another family. This family has a father with a daughter in hi lap, two women beside him (one with a child in her lap) and a young boy with no shirt. Behind the man is another figure with a bowed head. Threre are several other figures and tents in the picture, but they are across the ones in the foreground. A large tower is the focus of the painting. The tower appears like scaffolding with a shaded top. On top of the tower are three men. One wears a blue robe and speaks with outstretched arms. The other two seem to be recording his words. Behind the tower is a stone building with step shapped sides. "Walter Ranes '03" appears in the lower right corner in red. The Reverse side reads, "Walter Rane 2003/ In the Service of Your God Mosiah 2:17/ King Benjamin Addresses his People".

Agavale: I le Auauna Atu i Lou Atua, saunia e Walter Rane, faaaloaloga a le Falemataaga o Talafaasolopito; taumatau: faamatalaga mai le Papatisoga, saunia e J. Kirk Richards

O le aafiaga lena o aoaoga a le Tupu o Peniamina i lana faapotopotoga, ma o se faauigaga atoatoa faatusi paia o le tuputupu ae moni o a tatou tagata liliu mai o loo tatou faamamafa atu a o tatou faatuina le Ekalesia i le “lalolagi uma” (Mareko 16:15).

Faapei ona sa aoao mai e le Faaola lava Ia, o le galuega faafaifeautalai—le galuega o le faaolataga—e faapei o se upega tatou te lafoina i se lalolagi lautele ma lautele o nuu, aganuu, ma tagata. O lea tulaga, o le a tatou faapotopoto ai, pei ona fai mai le faataoto, o i’a “o ituaiga eseese uma” (Mataio 13:47). O le tele o na “i’a” i la tatou saoaluma ua faateleina, e le iloa po o ai le Atua pe faapei moni foi Lona tulaga Faatama; latou te le iloaina pe o ai moni Iesu Keriso pe aisea foi na o Lona igoa ai ua tuuina mai i lalo o le lagi e mafai ai ona faasaoina i tatou (tagai Galuega 4:12); latou te le iloaina pe o ai le Agaga Paia ma pe aisea “na auina atu e aoao atu le upumoni” i lenei tamalii o le Aiga Atua (MF&F 50:14).

Malamalama i le Aiga Atua

O le mea moni, o loo i ai le tele o isi mea e le o iloa e nei i’a ua faapotopoto mai, ae afai latou te taliaina le talalelei toefuataiina ma saili moni mo le faaolataga o o latou agaga, e tatau ona amata i sina iloa ma se malamalama i tamalii o le Aiga Atua. I le iuga, “o le tapuaiga moni faaola e maua na o i latou o e iloa le upumoni e uiga i … le Aiga Atua ma malamalama i le sootaga moni e tatau ona maua e tagata ma uso taitasi o le [mea lea na faaigoa e se tasi o le Usoga] lena Au Peresitene e Faavavau.”⁴

Na faamanatu mai e Elder Bruce R. McConkie (1915–85) o le Korama a Aposetolo e Toasefululua e faapea e malamalama Lusifelo i le taua o aoaoga faavae faapea, e tusa lava pe tatou te le iloaina. Na ia faapea mai:

“E leai se faaolataga i le talitonu … i aoaoga faavae pepelo, aemaise o se manatu sese pe le poto e uiga i le Aiga Atua po o se tasi o ona peresona. …

“E mulimuli i le faapea e sili i le tiapolo ona faasalalau ia aoaoga faavae pepelo e uiga i le Atua ma le Aiga Atua, ma uunai faamalosi ia lagona sese e faatatau i soo se tasi o i latou, nai lo se isi lava mea e mafai ona ia faia.”⁵

O le mea la lea e leai se tagata sailiili e mafai ona sau i le Ekalesia ma se molimau moni, ma se liua moni, i le mea o loo tatou sailia ma faaigoa o le tuputupu ae moni i tagata liliu moni mai, sei vagana ai ua ia te ia se amataga o se poto masani patino, faaleagaga ma le Atua. O lena ituaiga o poto masani e mafai ona oo mai i le na o le i ai o se iloa faapea o Ia o se tagata moni, o se tagata mao’i, o se Tama moni lava e i ai aano ma ivi, o le e tautala ma vaai ma lagona, o le e silafia igoa uma o Ana fanau ma mea uma latou te manaomia, o le e faafofogaina a latou tatalo uma, ma e finagalo i Ana fanau uma ia i ai i Lana Ekalesia. O nei tagata sailiili e manaomia ona iloa e i ai sana fuafuaga mo lo latou faaolataga, ma ua Ia tuuina mai poloaiga i le ala tatou te maua ai lo tatou ala e toe foi atu ai ia te Ia.

E le mafai e se Atua o le e manatu popole mo i latou faapei ona auau se matua mo se tamaitiiti, ona avea o se puaoa po o se manatu faivavale le manino o le Uluai Mafuaaga po o se pulefanua faaleatua ua le o toe i ai. E tatau ona aloaiaina o Ia i Lona tulaga moni—o se Tama alofa mutimutivale ma mutimuti alofa, o lona faatusa lea na faia ai tagata uma o Ana fanau ma o Ia o le o le a i ai se aso tatou te tutu atu ai i Ona luma—ona tootutuli ai lea! O le toaitiiti o o tatou tagata sailiili o le a iloa lena agalelei o le Atua i le taimi nei, po o le mai le faa-Kerisiano o aso nei.

I lena tulaga, e sili ona taua o le lesona 1 i le Talai La’u Talalelei e amata i le tautinoga faigofie faapea “o le Atua o lo tatou Tama Faalelagi.”⁶ I lena lesona faafaifeautalai o le naunautaiga muamua e tatau ona faia, ia malamalama tagata taitoatasi ua aoaoina i le natura moni o le Atua.

Afai e mafai e faifeautalai ona maua se malamalama tonu i le Atua i mafaufau ma loto o a latou tagata sailiili i le amataga o lo latou aoao atu, o le a sili atu ona faigofie ona sologa lelei isi mea uma i aoaoga uma e mulimuli mai.

O Le Misiona ma le Savali a Iesu Keriso

Ata

Jesus Christ being baptized by John the Baptist.

Agavale: I le Auauna Atu i Lou Atua, saunia e Walter Rane, faaaloaloga a le Falemataaga o Talafaasolopito; taumatau: faamatalaga mai le Papatisoga, saunia e J. Kirk Richards

E faapena foi, e tatau i alii ma tamaitai faifeautalai, ma tagata sailiili ona atili talisapaiaina le malualii o le misiona ma le savali a Iesu Keriso, o le na afio mai mai le Tama ma aoao mai mea sa aoaoina ai o ia e le Tama. E tatau i tagata uma ona iloa na afio mai Iesu i le olaga e faaali mai ia i tatou le ala, o le upumoni, ma le ola. E moni lava, o Ia o le pau lea o le ala, o le upumoni atoa, ma le ola atoatoa. O lea tulaga, e na o Ia le tamaitiiti i le aiga o tagata e mafai ona matua tulei atoatoa mai ai le Tama, “O lo‘u Atalii pele Lenei, Ou te fiafia ia te ia” (Mataio 17:5).

E tatau ona tatou faatuatua ia Keriso, talitonu ua Ia togiolaina i tatou mai le oti faaletino ma le seoli faaleagaga, talia Lana Togiola ua na o le pau lea o le ala e toe faaleleia ai i tatou i luma o le Atua, ma faailoa atu e leai lava se isi ala i le olataga. O le lalolagi, afai e tatau ona togiolaina, e tatau ona tootuli ona tulivae ma ta’uta’u atu i le laulaufaiva o Iesu o le Keriso, o le Alo soifua o le Atua soifua. E tatau ona tatou aoao atu ma le faatuatua ma le naunautai tele “o le aoaoga faavae a Keriso” (Eperu 6:1; 2 Ioane 1:9; 2 Nifae 31:2, 21; 32:6; Iakopo 7:2, 6) e pei ona tautino mai i tusitusiga paia, ma e pei ona otootoina i lesona 3 o le Talai La’u Talalelei.

E tatau ona iloa e a tatou i’a o le upega faalele, o le Agaga Paia o le sui o le Aiga Atua lea o le a sili ona tele ma sili ona vavalalata a latou sootaga pe a latou taliaina ia faifeautalai ma tatalo mo le taitaiga faalelagi e tusa ai ma la latou savali. O sui lenei o le Aiga Atua o le a taitai tagata sailiili i le upumoni ona latou molimau atu ai lea i lena upumoni pe a latou fetaiai. E tatau ona aoaoina ia tagata sailiili ia iloa le Agaga pe a faaalia mai o ia lava i le faagasologa o lesona. O le mea moni lava e tatau ona malamalama ia faifeautalai i le matafaioi paia a le Agaga Paia i le faagasologa o le liuaina, ma e tatau ona taumafai e tauave le Agaga ma i latou i taimi uma.

“Pe na faauu i se a outou?” ua fetalai mai le Alii. “E talai atu la’u talalelei e ala i le Agaga, le Faamafanafana lea na auina atu e aoao atu le upumoni. …

“O le mea lea, o ia o lē tala’i atu atoa [e ala i le Agaga], ma o ia o lē talia [e le Agaga], e malamalama i le tasi, ma e faagaeetiaina ma olioli faatasi i laua uma” (MF&F 50:13–14, 22).

E mafai ona tatou matua mautinoa faapea o le a le lelei—mo faifeautalai po o a latou tagata sailiili—pe a tatou faapasi le aoao atu o le Aiga Paia. E le tatau ona tatou faasino atu i taitai o le olaga nei a e tatou te le i aoao atu ma molimau e uiga i e ua faaselesitilaina. E le tatau ona tatou taumafai e aoao atu upumoni lagolago a o lei aoaoina mataupu faavae autu. E le tatau ona tatou faanatinati agai atu i se papatisoga ma le sini o se tagata fou e liliu mai a o lei aoao atua le faatuatua moni i le Atua, faamalamalama le mea e manaomia ai le salamo moni ia Keriso, ma ia mautinoa o na tatupu mu’amu’a muamua o se molimau ua tupu a se tagata liliu mai, ua tausisia ia malolosi ma ola e ala i le mana faafailele o le Agaga Paia.

Fenumiaiga FaaKerisiano

E tusa ai ma le natura maioio o nei Tamalii Paia, ua aoao mai e a tatou faaaliga o aso e gata ai e faapea, “ua i ai i le Tama se tino o aano ma ivi e mafai ona pa’i i ai e pei o le tagata; ua faapea foi le Alo, ae o le Agaga Paia e leai se tino o aano ma ivi, ae o se peresona Agaga” (MF&F 130:22).

Ata

Jesus Christ depicted standing with His arms outstretched as an invitation for people to come to Him. Several people are gathered around Christ. Most of the people are looking up at Christ. An elderly man is kneeling on the ground. The man is clasping the robe of Christ and resting his head against Christ's side. Another elderly man is seated by Christ. He is resting his head on Christ's other side.

Faamatalaga mai le Faamaloloina o le Tagata Tauaso, saunia e Carl Heinrich Bloch

E le mafai ona e maua ai se isi faamatalaga faavae e manino atu nai lo lena! Ae paga lea, ua toeitiiti lua afe tausaga o le talafaasolopito faa-Kerisiano ua luluina ai foi le fenumiai matautia ma le mea sese e toe a oti ai e tusa ai ma lea mataupu. O fatufatuga ma le toefauga o talitonuga faalelotu ua matua femilosa’i ai le manino faigofie o aoaoga faavae moni, ua tautino mai ai o le Tama, o le Alo, ma le Agaga Paia ua na o ni otootoga, e le matea i se iloa, e le ausia e se tagata, e i ai i mea uma, e tutusa le taua, e faavavau faatasi, ma e le iloa e se tasi; e leai ni tino, itutino, po o ni lagona faamama’i; ma e nonofo i le vateatea ma le taimi.

O ia talitonuga, o sui uma e toatolu o ni peresona eseese, ae o se tagata e toatasi, e masani ona ta’ua o le “mea lilo o le tolutasi.” O ni peresona tumaoti e toatolu, ae e le toatolu ni Atua ae toatasi. O tagata uma e toatolu e le oo i ai se malamalama, ae o le Atua e tasi e le malamalama i ai.

E tasi le manatu tatou te taufai ioe uma i ai ma le au faitio—e faapea o lea ituaiga o faatulagaga mo le paia e le mafai ona malamalama i ai. O lena faauigaga fenumiai o le Atua ua tuuina mai i luga o le Ekalesia, e le o se mea e ofo ai i le tagi leotele a se faifeau o le seneturi-lona fa, “Auoi talofa e ia te au! Ua latou aveese lo’u Atua mai ia te au, … ma ua ou le iloa po o ai a saafi i ai.”⁷ E faapefea ona tatou faatuatuaina, alolofa, ma tapuai, ae le ta’ua ai le taumafai ia faapei, o Le e le mafai ona malamalama ai ma le iloaina? E faapefea le tatalo a Iesu faapea “o le ola e faavavau foi lenei, ia latou iloa oe le Atua moni e toatasi, ma Iesu Keriso, o le ua e auina mai”? (Ioane 17:3; faaopoopo le faamamafa).

E le o so tatou faamoemoega le ta’ufaatauvaaina o le talitonuga o se isi tagata po o aoaoga faavae a se isi tapuaiga. Tatou te tuuina atu le faaaloalo lava e tasi mo a latou aoaoga faavae lea tatou te mananao ai mo i tatou. (O se mataupu faavae foi lena o lo tatou faatuatua.) Ae o loo tusia i se punaoa faaaloalogia ua ta’ua o le Harper’s Bible Dictionary e faapea, “o le aoaoga faavae aloaia o le Tolutasi e pei ona faauigaina ai e aufono a lotu tetele o le seneturi lona fa ma le lima e le o maua i se mea o le [Feagaiga Fou].”⁸

O lea la o le mea moni, ua tatou matuai lagolelei lava, i le faalauiloa atu, tatou te le o umia se manatu tosina faapaupau o le seneturi lona fa po o le lona lima-, e uiga i le Aiga Atua, ma e faapena foi i na uluai Au Paia Kerisiano, o e na vaaitino i le Keriso soifua.⁹ O i tatou o le Feagaiga Fou —e le o ni Kerisiano—Nisaea.

Le Lotogatasi o le Aiga Atua

Ae ui i lea, ou te vave faamamafa atu faapea ina ua tatou faia le tulaga e uiga i le maioio o o Latou peresona, e tutusa lava le taua o le faamamafa atu o le lotogatasi o i Latou ma le moni a’ia’i o le Tasi o le Aiga Atua. Ou te manatu ou te saogalemu i le faapea atu o se vaega o le mafuaaga ua tatou matua le malamalama ai i le tu ma aga faa-Kerisiano ona o le faamamafaina atu o peresona o le Aiga Atua, e lei lava lo tatou tulitatao atua e ala i le taliaina ma le finau atu pea i lo Latou lotogatasi i le toetoe lava soo se ala e mafaufau i ai. O lenei mea ua afua ai ona tatou selesele ia faitioga e le moomia, ma atili ai ona tatou faafaigataina ona malamalama i le tulaga o le AAG nai le mea e tatau ona i ai.

E moni lava, o le fuaitau i le “mataupu [sili] a Keriso” i le 2 Nifae 31 ua faaiu i le tautinoga lenei: “O le mataupu lenei a Keriso, ma o le mataupu faavae moni lenei e tasi a le Tamā, ma le Alo, ma le Agaga Paia, o Atua e tasi, ua leai se gataaga” (2 Nifae 31:21).

Ua tatou faitau uma i le Tatalo Faatoga a le Faaola i le Ioane 17. Ua tatou iloa ai o se tautinoga o le lotogatasi i le va o le Tama ma le Alo ma le va o i La’ua ma i tatou, o o La’ua soo i le lalolagi. Faitau soo i ai, ae maise lava na ta’ua e Peresitene Tavita O. MaKei (1873–1970) a faaigoaina i se tasi taimi o “le tatalo aupito sili … ua fofogaina i lenei lalolagi.”¹⁰ E tatau ona tatou taumafai ina ia tasi ma le Tama, le Alo, ma le Agaga Paia,e pei o le mea na tatalo ai Iesu ia tatou i ai.

Molimau a se Aposetolo

Ou te faaiu atu i la’u molimau i nei Tamalii Paia, o e ua faatulagaina ai lena “Au Peresitene Faavavau” na talanoaina. Ou te molimau atu i le Agaga Paia e ala i le agaga o le Agaga Paia, e molimauina ma tautino atu le lua o ana matafaioi sili. Ou te molimau atu o le Agaga Paia o se faiaoga, o se Fesoasoani, ma o le sui o faaaliga faaletagata lava ia. Ou te molimau atu o le Agaga Paia o le a aumaia mea uma i lo tatou manatuaga—o le tele o se faamanuiaga faapitoa o le manatuaina o se tasi o le poloaiga sili e tuuina mai ia i tatou, e aofia ai tatalo o le faamanatuga (tagai i le MF&F 20:77, 79).

Ou te molimau atu e ala i le mana o le Agaga Paia, e mafai ona tatou tulieseina le pogisa mai ia i tatou ma lapataia mai mea matautia ma mai mea e le moni. Ou te molimau atu o le Agaga Paia foi le Agaga Paia o Folafolaga, e faamautuina ma faamaoniaina feagaiga ma sauniga ma taualuga i le faamauga o faamanuiaga faaola uma i le ola e faavavau. Ou te maofa ina ua mafai ona maua e i tatou se tasi o le Aiga Atua ma maua e le aunoa ma i ai pea lava, pe afai tatou te ola agavaa ai. E momoli atu la‘u faafetai e toetoe ina a le mafaamatalaina mo le meaalofa o le Agaga Paia.

Ou te tuuina atu la’u molimau ia Iesu Keriso, le Alo soifua o le Atua soifua, o le na totogiina laveai faasaoloto mo lou agaga ma lo’u agaga ma agaga o alii uma, tamaitai, ma tamaiti mai ia Atamu e oo i le tuluiga o le lalolagi. Ou te molimau atu o le uluai mataupu faavae o le talalelei o le faatuatua i le Alii o Iesu Keriso ma o le faavae lea ma le savali autu a Le Ekalesia a Iesu Keriso o le Au Paia o Aso e Gata Ai.

Ata

Jesus Christ depicted leaning on a rock in the Garden of Gethsemane. The image depicts the Atonement of Christ.

Agavale: E Le o Lo’u Loto, A o Lou, Ia Faia, saunia e Harry Anderson; taumatau: faamatalaga mai le Christus Faalaeiau, saunia e Carl Heinrich Bloch

Ou te molimau atu o i latou uma e fananau mai i lenei lalolagi e fananau mai ma le Malamalama o Keriso i lona agaga. Ou te molimau atu o Ia o le Muamua ma le Mulimuli, o le Amataga ma le Gataaga, o le Alefa ma le Omeka o lo tatou faaolataga. Ou te tautino atu o Ia o le Ieova silisili, o le laveai Au, o le Tamai Mamoe a le Atua na fasiotia mai a o lei faavaeina le lalolagi. Ou te molimau atu na atoatoa Lona soifua ai ma sa Ia soifua mai, soifua, ma maliu o se Tamalii e atoatoa, e leai se agasala, e leai se ila ma e le pona.

Ou te faafetai ai i le pule a Iesu Keriso, ua faapea ona puleaina ai mea uma e faavavau le taua i lenei lalolagi, e tauaveina Lona suafa—le Perisitua Paia e tusa ma le Faatulagaga o le Alo o le Atua. Afai ou te ola ai ina ia afe tausaga le matua, e le taitai ona lava lo’u faaalia o lo’u maofa ma e le agavaa e ta’ua o se tasi o Ana Aposetolo, o se molimau i Lona suafa i le lalolagi uma.

Ou te tu ma ofo i le alofa o Iesu,

Ma le iloa le ala ua alofa ai ia te au.¹¹

Ou te molimau atu o le Atua le Tama Faavavau, o le maoa’e o Elohima, lo’u Tama ma lou Tama, na tuuina mai ia i tatou o se olaga faaleagaga. Ou te molimau atu o Ia o le Tagata o le Paia, o lena alofa mutimutivale ma le agalelei, alofa ma le mutimuti alofa na amata ai ona mataituina Ona uiga silisili ma le faavavau. Ou te molimau na afio mai Keriso e faaali mai ia i tatou le Tama ma ua agatonu ai ona valaauina o le Atalii o le Tagata (o le Paia).

Ou te molimau atu o le Atua lo tatou Tama o le mataisau o le fuafuaga sili o le faaolataga ma o le mea ua lauiloa o le talalelei a Iesu Keriso e iloa foi “o le talalelei a le Atua” (Roma 1:1; tagai foi i fuaiupu e 2–3). Ou te molimau atu o le Tama o le Foafoa o mea uma, o loo galue e ala mai ia Ieova ma isi sui faalelagi e faataunuu lena Foafoaga ma e tauaveina faatasi le faalaniga o le Foafoa ma Lona Alo Pele. Ou te molimau atu e ao ina tatou auauna atu i le Tama i le suafa o le Alo e faapei foi ona tatou tatalo atu i le Tama i le suafa o le Alo.

Ou te molimau atu na afio mai Iesu Keriso e faia le finagalo o le Tama, na aoao maia le aoaoga faavae o le Tama, ma sa galueaiina Lona lava faaolataga e ala i le Tama. Ou te tuuina atu la’u molimau e sili ona mamalu ona o le alofa tele o le Tama i le lalolagi, o Ana fanau, na Ia aumai ai Lona atalii aupito silisili, o Lona atalii e atoatoa, Lona Atalii Pele e Toatasi, o ai lava e talitonu ia te ia o le a maua le ola faavavau (tagai Ioane 3:36; 6:47; Helamana 14:8).

Ou te faafetai mo le Tama, le Alo, ma le Agaga Paia, o o latou suafa paia ua faataunuuina ai sauniga faaola mai le papatisoga e oo atu i faamauga i le malumalu i lenei Ekalesia. Ou te valaaulia outou taitoatasi ia loloto le iloa i nei Tamalii Paia.