Manatu mo Afiafi Faaleaiga
O lenei lomiga o loo aofia ai tusiga ma gaoioiga e mafai ona faaaoga mo afiafi faaleaiga. O ni faataitaiga nei se lua.
“Sau, Mulimuli Mai ia te Au: Aoao Atu Aoaoga Faavae Autu i le Fale,” itulau e 28: O lenei tusiga o loo i ai manatu mo le aoao atu ma le aoao mai mo autu e ono. E mafai ona e faaaogaina le manatu e mo le autu a le autalavou ia Ianuari, o le Aiga Atua, i se afiafi faaleaiga. E mafai foi ona outou toe iloiloina ia metotia e aoao mai ai o loo faamatala atu i le tusiga ma talanoaina pe o le fea e sili ona aoga mo lou aiga. E mafai ona e valaaulia tagata o le aiga e faaaoga nei metotia e tapena ai lesona mo afiafi faaleaiga i le lumanai e faavae i autu o le talalelei o i lenei tusiga.
“O se Malaga i le Vao,” itulau e 76: Mafaufau e faatulaga se ala i mea faitino i lou fale, atonu o le toefaatulagaina o meaafale ma nonoa se manoa mai le isi itu o le alasavali i le isi itu. Fusi mata o tagata taitoatasi o le aiga sei vagana ai se tasi o le a faatonutonuina le vaega o totoe o le aiga i le auala e ui atu ai. A uma ona talanoaina lea pe o le a faapefea e le Tama Faalelagi ona taiala Nifae ma lona aiga i le nuu folafolaina. Ona mafai lea ona outou talanoaina ni auala na saunia e le Tama Faalelagi mo oe ma lou aiga e fesoasoani ai ina ia outou foi saogalemu atu ia te Ia.