Pagdiriwang ng Family Home Evening
Noong 1915, pinayuhan tayo ng mga propeta sa mga huling araw na maglaan ng isang gabi bawat linggo para sa ating pamilya. Tinawag itong “home evening” noong una—isang panahon para pag-aralan ang ebanghelyo at magkatuwaan, habang pinatatatag ang ating ugnayan sa lupa at sa kawalang-hanggan.
Isang daang taon pagkaraan, patuloy pa rin tayong tinutulungan ng family home evening na maging walang hanggan ang mga pamilya. Nangako ang mga propeta na sa pamamagitan nito, magkakaroon tayo ng mas matibay na pananampalataya at espirituwal na lakas sa ating puso, at higit na proteksyon, pagkakaisa, at kapayapaan ang mananahan sa ating mga tahanan.
Tayong lahat ay kabilang sa isang pamilya sa lupa at bahagi ng pamilya ng ating Ama sa Langit. Saanman tayo naroon sa mundo at anuman ang ating sitwasyon sa buhay, maaari tayong magdiwang at makibahagi sa family home evening.
Ibaba: Pagkakatuwaan at paglalaro ang isang paraan para maging malapit sa isa’t isa ang pamilya Santos ng Portugal sa family home evening.
Kanan: Ang pamilya ay higit pa sa ina, ama, at mga anak sa Democratic Republic of Congo. Kaya kapag tinitipon ni Brother Suekameno ang kanyang pamilya para sa home evening, maraming kanayon nila ang masayang sumasali.
Itaas: Si Sister Gercan ng Pilipinas ay gumagamit ng mga awitin sa Primary at tradisyonal na musika para ituro sa kanyang mga anak ang kagalakan ng ebanghelyo.
Itaas: Ang pamilya Anderson, na nakalarawan dito sa kusina ng kanilang tahanan sa Georgia, USA, ay mahilig gumawa ng cookies. Kung minsan ay ginagamit nila itong bahagi ng isang aralin o bilang meryenda.
Itaas: Sina Brother at Sister Reynolds ng Washington, USA, ay naghahanap ng mga paraan upang maituro nang simple ang ebanghelyo para matutuhan at maunawaan ito ng kanilang maliliit na anak.
Kanan, mula itaas: Isinama ng pamilya Espinoza ng Bolivia ang kanilang mahal na lola sa family home evening habang kumakanta sila at natututo tungkol sa ebanghelyo.
Para sa pamilya Jin ng Georgia, USA, ang family history ay paboritong aktibidad sa home evening. Natutuwa silang magturo sa kanilang mga anak tungkol sa lahi nilang Koreano.
Ang pamilya Ligertwood ng Australia ay namamasyal kung minsan bilang bahagi ng family home evening, at ginagalugad ang magagandang bahagi ng kanilang lungsod.