Manatu Mo Afiafi Faaleaiga
O lenei lomiga o loo aofia ai tusiga ma gaoioiga e mafai ona faaaoga mo afiafi faaleaiga. O faataitaiga nei e lua.
“O Soo ma le Puipuiga o le Faaipoipoga,” itulau e 18: Mafaufau i auala e mafai ona avea ai oe o sē e “puipuia le faaipoipoga” i lou lava aiga. Pe sa tou faia ea se talanoaga ma lau fanau e uiga i a latou faaipoipoga i le lumanai, po o faapefea ona ese le vaaiga a le Ekalesia i le faaipoipoga mai le lalolagi? Pe ua e faasoa atu ea ou lagona e uiga i le faaipoipoga i lau fanau? Pe ua e aoaoina i latou i aoaoga a perofeta ma aposetolo e uiga i le faaipoipoga? I le taimi o se afiafi faaleaiga, ia mafaufau e talanoaina nei autu, e faaaoga ai le “O Le Aiga: O Se Folafolaga i le Lalolagi,” (Liahona, Nov. 2010, 129).
“Faalolovaia le Lalolagi e ala i Ala o Faasalalauga Faaleagafesootai,” itulau e 48: A uma ona faitau le tusiga lenei, ia talanoaina o se aiga le auala e mafai ai, e pei o le saunoaga a Elder Bednar, ona “faaaoga ala o faasalalauga faaleagafesootai e faailoa atu ai savali o le talalelei,” i le mulimuli i taiala o loo fautuaina mai e ia. E mafai ona faasoa atu upusii mai le au Pulega Aoao i le lau itulau o le Facebook pe faapipii ai ata o au tusitusiga paia e te fiafia i ai i le Instagram. Atonu e maua e lou aiga sa outou lava saite e faaaoga pe a outou faapipii ni ata e faatatau i le talalelei po o upusii (e pei o le au paia o e na amataina le #LDSconf).