Taimi o Tusitusiga Paia
Ua Toe Faaola Mai e Iesu Lasalo
E alala le tusitala i Iuta, ISA.
Aoao faatasi e uiga i le Feagaiga Fou i le tausaga nei!
Pe na e popole ea ina ua ma‘i se tasi o lou aiga? Na popole uo a Iesu o Maria ma Mareta ona o lo la tuagane, o Lasalo, sa ma‘i tigaina. Sa la auina atu se tasi e ta‘u atu ia Iesu ina ia mafai ona Ia sau e faamaloloina Lasalo. Ae na maliu Lasalo ae lei oo atu Iesu.
Ina ua silasila atu Iesu i le matuai faanoanoa o Maria ma Mareta, sa Ia tagi faatasi ma i laua. Ona Ia fai atu lea i se tagata e ave ese le maa mai le faitotoa o le tuugamau, ma Ia poloaiina Lasalo e sau i fafo. Na toe foi mai le agaga o Lasalo i totonu o lona tino, ma sa ia savali atu i fafo o le tuugamau, o loo ofuina pea lavalava ina ua maliu. Sa tau fai ofo tagata. Sa i ai ia Iesu le mana i le oti! O Ia moni o le Alo lava o le Atua!
O vavega taitasi a Iesu na faaalia ai Lona alofa tele ma Lona mana maoae. Afai tatou te talitonu ia te Ia ma mulimuli i Ana faataitaiga, o le a tatou toe nonofo faatasi ma Ia!
Faasolo agai i luma mai i le agavale: ata na tusia e Paul Mann; Keriso o loo Faamaloloina le Tagata Mai i Petesa, saunia e Carl Bloch; Keriso o loo Faatuina le Afafine o Iairo, saunia e Greg Olsen; Keriso o loo Faamaloloina se Tagata Tauaso, saunia e Del Parson; ata na tusia e Paul Mann; Matai e, Ua Ou Aumaia ia Te Oe Lo‘u Atalii, saunia e Walter Rane