Manatu Mo Afiafi Faaleaiga
O lenei lomiga e aofia ai tusiga ma gaoioiga e mafai ona faaaoga mo afiafi faaleaiga. O ni manatu nei se lua.
“Pe a Alia’e Masalosaloga ma Fesili,” itulau e 38: A uma ona faitau le tusiga, mafaufau e talanoa o se aiga i le eseesega i le va o fesili ma masalosaloga. Faitau i tala e uiga i tagata o loo i tusitusiga paia o e na i ai ni fesili ma mea na latou faia e uiga i ai (mo se faataitaiga, 1 Nifae 11; Eteru 2:19–3:16; Iosefa Samita—Talafaasolopito 1:10–19; po o mau faasino o loo i lalo ifo o le vaefaamatalaga 1 o le tusiga).
E mafai ona e fai atu i nai tagata o le aiga e faailoa mai ni nai a latou fesili o i ai. Ona faaaoga lea o tusitusiga paia, lds.org/topics, po o aafiaga patino e su’e ai tali. O le atinaeina o se siosiomaga o le talanoa e le tau taofiofia ma le faamaoni i totonu o le aiga, o le a fesoasoani i tagata o le aiga ia lagona le lagona lelei i le faaleoina mai o fesili pe a tulai mai.
“Sauni mo le Eseta,” itulau e 70: A’o le’i faia le afiafi faaleaiga, atonu e te manao e tusi ni luitau o aso taitasi i luga o ni fasipepa. Mo se faataitaiga, “Ua amata ona e lagona le ita ina ua le faasoa atu e lou uso ana meataalo ia te oe,” po o le “Ua e matauina le faanoanoa o tama i le taimi na oo mai ai i le fale mai le galuega i se tasi o po.” Fai atu i lau fanau e auauai ona filifili se fasipepa, faitau le mea o loo tupu, ma fautua atu ni auala e mafai ona avea ai i latou e pei o le Faaola i lena tulaga. Faailoa atu le gaoioiga o le Eseta o loo i le tusiga lenei ma valaaulia lau fanau taitoatasi e talia le luitau o le fitu aso e aoao ai e uiga ia Iesu Keriso ma mulimuli i Ana faataitaiga.