2015
Sauniuni mo le Eseta
Mati 2015

Sauniuni mo le Eseta

Ua faia e Iesu Keriso le faataitaiga atoatoa mo i tatou e mulimuli ai. E mafai ona e faaaogaina le gaoioiga lenei e aoao atili ai e uiga ia te Ia ma sauniuni ai mo le Eseta. Amata i le numera 1 i le Aso Sa a’o lumanai le Eseta. I aso taitasi, faitau e uiga ia Iesu ma tali le fesili. Ona ’oti ese lea o le ata e fetaui i ai ma faapipii i luga o le siata.

  1. Na mulumulu e Iesu vae o Ona soo ma faamafanafana atu ia te i latou i le fetalai atu, “‘Aua le atuatuvale o outou loto, aua foi tou te matatau” (Ioane 14:27). O le a se mea e mafai ona e faia e auauna atu ai pe faamafanafana atu ai i se uo i lenei aso?

  2. I le Tausamaaga Mulimuli, sa aoaoina ai e Iesu Keriso ia Ona soo i le ala e fai ai le faamanatuga. Sa Ia fetalai atu ia i latou, “Tou te faia le mea nei e fai ma faamanatuga ia te au” (Luka 22:19). O le a se auala se tasi e mafai ai ona e faaaloalo atili i le faamanatuga?

  3. Ina ua amata e Iesu le Togiola i le Faatoaga o Ketesemane, sa Ia faia le mea na finagalo ai le Tama Faalelagi na te faia, e ui lava ina sa faigata tele. Sa tatalo o Ia, “Ia aua le faia lo’u loto, ao o lou finagalo” (Luka 22:42). O le a se auala se tasi e mafai ai ona e usiusitai atili ai i le lotu, aoga, po o le aiga?

  4. Ina ua sauaina e tagata Iesu i le taimi o le Faasatauroga, sa Ia fetalai atu, “Lo’u Tama e, ia e faamagaloina atu ia te i latou; aua ua latou le iloa le mea ua latou faia” (Luka 23:34). Aisea e taua ai le faamagalo atu o isi tagata?

  5. Sa faamautinoa e Iesu o le a tausia lona tina pe a maliu o Ia. Sa Ia fetalai atu ia Ioane, “Faauta o lou tina,” po o le ia fai Maria ia pei lava o lona lava tina (Ioane 19:27). O le a se mea e mafai ona e faia i le aso e fesoasoani ai i ou matua po o e o tausia oe?

  6. A’o lei maliu o Ia, sa tatalo atu Iesu i le Tama Faalelagi ma fetalai atu, “Ou te tuuina atu lo’u nei agaga i Ou aao” (Luka 23:46). E mafai faapefea ona e faia au tatalo ia sili atu ona faapitoa?

  7. Ina ua mavae Lona maliu, sa toe soifua mai Iesu! O le pogai lena tatou te faamanatuina ai le Eseta. Na asiasi atu Keriso i Ona soo ina ua mavae le Toetu ma fetalai atu, “Aua foi e te masalo vale, a ia e talitonu” (Ioane 20:27). Aisea e taua tele ai le Eseta?