Mga Propeta sa Lumang Tipan

Isaias

“Si Isaias ayon sa lahat ng pamantayan ang propeta sa Lumang Tipan na nagpropesiya tungkol sa Mesiyas na ang mga salita ay alam ng lahat.”¹ —Elder Jeffrey R. Holland ng Korum ng Labindalawang Apostol

The Old Testament prophet Isaiah writing on a roll of parchment. Two men (New Testament apostles) are witnessing the event. They are depicted standing behind Isaiah. A landscape of mountains is in the background. Above the landscape is an image of Mary (the mother of Christ), Joseph (the carpenter) and the infant Jesus Christ in the manger. The painting depicts the prophecy of Isaiah regarding the birth of Jesus Christ.

Ipinropesiya ni Propetang Isaias ang Pagsilang ni Cristo, ni Harry Anderson; scroll ng bubaone/iStock/Thinkstock; background ng forplayday/iStock/Thinkstock

Ako ang anak ni Amoz, at ang kahulugan ng pangalan ko ay “ang Panginoon ay kaligtasan.”² Nagpagal ako bilang propeta sa Jerusalem sa loob ng 40 taon, mula 740–701 b.c. Nagpropesiya ako sa Jerusalem sa panahon ng pamumuno ng apat na hari, at ako ang punong tagapayo ni Haring Ezechias, kaya ako nagkaroon ng malaking impluwensya sa relihiyon.³

Hindi ko lamang ipinropesiya ang mangyayari sa sarili kong panahon at mga tao kundi pati na ang mga mangyayari sa hinaharap na makakaapekto sa buong sangkatauhan. Ipinropesiya ko ang pagsilang ng Tagapagligtas: “Narito, isang dalaga ay maglilihi, at manganganak ng isang lalake, at tatawagin ang kaniyang pangalan na Emmanuel.”⁴ Ipinahayag ko na si Jehova ay pinahiran ng langis “upang ipangaral ang mabubuting balita sa mga maamo; … upang magpagaling ng mga bagbag na puso, upang magtanyag ng kalayaan sa mga bihag, at magbukas ng bilangguan sa nangabibilanggo.”⁵ Ipinropesiya ko rin na matapos ang Kanyang Ikalawang Pagparito, “ang Panginoon ng mga hukbo ay maghahari sa bundok ng Sion, at sa Jerusalem; at sa harap ng kaniyang mga matanda ay may kaluwalhatian.”⁶

Itinatago ng paggamit ko ng simbolismo at tula ang aking mga turo mula sa mga taong hindi handang unawain o sundin ang mga ito. Gayunman, ang mga masigasig na pag-aralan ang aking mga turo sa tulong ng Espiritu Santo ay mauunawaan ang aking mga propesiya.⁷

Ako ang huli sa mga pangunahing propeta na nagturo sa mga lipi ng Israelita bago sila nagsimulang kumalat mula sa Banal na Lupain.

Mga Tala

1. Jeffrey R. Holland, Christ and the New Covenant: The Messianic Message of the Book of Mormon (1997), 75.

2. Bible Dictionary, “Isaiah.”

3. Tingnan sa Gabay sa mga Banal na Kasulatan, ”Isaias”; scriptures.lds.org.

4. Isaias 7:14.

5. Isaias 61:1; tingnan din sa Lucas 4:16–21.

6. Isaias 24:23.

7. Tingnan sa Old Testament Student Manual: 1 Kings−Malachi, 3rd ed. (Church Educational System manual, 2003), 131−35.

8. Tingnan sa Old Testament Student Manual, 131.

9. Tingnan sa Boyd K. Packer, “The Things of My Soul,” Ensign, Mayo 1986, 61.

10. Tingnan sa Old Testament Student Manual, 131.

11. Joseph Smith—Kasaysayan 1:40.

Propeta na Madalas Banggitin ng Iba pang mga Propeta

Sa banal na kasulatan, si Isaias ang pinakamadalas banggitin ng lahat ng sinaunang propeta.

• Tatlumpu’t dalawang porsiyento ng aklat ni Isaias ang binabanggit sa Aklat ni Mormon; may tatlong porsiyento pang binanggit gamit ang ibang mga salita.⁸

• Binanggit ng Tagapagligtas si Isaias sa Bagong Tipan nang di-kukulangin sa 7 beses at binanggit ng mga Apostol si Isaias nang di-kukulangin sa 40 beses.⁹

• Ang Doktrina at mga Tipan ay may di-kukulangin sa 100 reperensya sa mga isinulat ni Isaias;¹⁰ ang mga bahagi 113 at 133 ay nagbigay ng mga interpretasyon at paliwanag sa ilan sa mga propesiya ni Isaias.

• Nagpakita si Moroni kay Joseph Smith noong Setyembre 21, 1823, at binanggit ang Isaias kabanata 11, “sinasabing malapit na itong matupad.”¹¹