Notebook ng Kumperensya ng Abril 2014

“Kung ano ang sinabi ko, ang Panginoon, ay sinabi ko; … maging sa pamamagitan ng sarili kong tinig o sa tinig man ng aking mga tagapaglingkod, ito ay iisa” (D at T 1:38).

Habang nirerepaso ninyo ang pangkalahatang kumperensya ng Abril 2014, magagamit ninyo ang mga pahinang ito (at ang mga Notebook ng Kumperensya sa darating na mga isyu) upang tulungan kayong pag-aralan at ipamuhay ang mga itinuro kamakailan ng mga buhay na propeta at apostol at ng iba pang mga pinuno ng Simbahan.

Para mabasa, mapanood, mapakinggan, o maibahagi ang mga mensahe sa pangkalahatang kumperensya, bisitahin ang conference.lds.org.

Proteksyon mula sa Pornograpiya

Official portrait of Linda S. Reeves, sustained at the April 2012 general conference as second counselor in the Relief Society general presidency, October 2012. Released April 2017 General Conference.

“Paano natin pinoproteksyunan ang ating mga anak at kabataan? … Ang pinakamatinding filter sa mundo, ang tangi at talagang magpoprotekta, ay sariling filter sa ating kalooban na nagmumula sa malalim at matibay na patotoo sa pagmamahal ng ating Ama sa Langit at nagbabayad-salang sakripisyo ng ating Tagapagligtas para sa bawat isa sa atin. …

“… Dapat akong magpatotoo tungkol sa mga pagpapala ng araw-araw na pag-aaral ng mga banal na kasulatan at pagdarasal at family home evening linggu-linggo. Ang mga kaugaliang ito mismo ang tumutulong para maalis ang pagkabalisa, nagbibigay ng patnubay sa ating buhay, at nagdaragdag ng proteksyon sa ating mga tahanan.”

Linda S. Reeves, pangalawang tagapayo sa Relief Society general presidency, “Proteksyon Laban sa Pornograpiya—Tahanang Nakatuon kay Cristo,” Liahona, Mayo 2014, 16–17.

Maghanap ng tulong para sa mga indibiduwal at pamilya sa pagdaig sa pornograpiya sa lds.org/go/overcome914.

Mga Sagot para sa Inyo

Bawat kumperensya, nagbibigay ng inspiradong mga sagot ang mga propeta at apostol sa mga tanong ng mga miyembro ng Simbahan. Gamitin ang inyong isyu ng Mayo 2014 o bisitahin ang conference.lds.org para makita ang mga sagot sa mga tanong na ito:

• Paano ko maipagtatanggol ang paniniwala ko nang may paggalang at pagkahabag? Alamin sa lds.org/go/holland914 o tingnan sa Jeffrey R. Holland, “Ang Halaga—at mga Pagpapala—ng Pagkadisipulo,” 6.

• Paano tayo matutulungan ng Pagbabayad-sala ni Jesucristo na maging mabisang mapagkukunan sa pagbabahagi ng katotohanan? Alamin sa lds.org/go/scott914 o tingnan sa Richard G. Scott, “Kayo’y Binigyan Ko ng Halimbawa,” 32.

Paggawa ng Tsart ng Landas ng Tipan para sa Inyong Pamilya

“Ang simpleng gawaing ito ay tumulong sa amin ni Lesa na mapagbuti ang aming ginagampanan sa pagtulong sa bawat miyembro ng aming pamilya sa landas ng tipan, na may nakaplanong gagawin para sa bawat isa sa kanila.” —Bishop Gary E. Stevenson, Presiding Bishop, “Ang Inyong Apat na Minuto,” 86.

1. Gumawa ng dalawang hanay sa isang pirasong papel: “Pangalan” at “Plano para sa susunod o kailangang ordenansa.”

2. Ilista ang bawat miyembro ng pamilya na kailangang mabinyagan, maorden sa priesthood, makatanggap ng endowment sa templo, o mabuklod.

3. Magkaroon ng mga talakayan sa pamilya, mga family home evening lesson, o gumawa ng iba pang mga paghahanda sa pagtanggap ng mahahalagang ordenansa sa inyong pamilya.

Ibaba: larawan ng snow na kuha ni Andrew Park/iStock/Thinkstock; larawan ng mga bulaklak na kuha ng neirfy/iStock/THinkstock

• Pasasalamat

• Ang Pagbabayad-sala at mga Tipan