O Uo mai le salafa o le Lalolagi
O au o Kaloni mai Toga
Mālō e lelei!*
Feiloai ia Kaloni mai le Malo o Toga. Ua lauiloa ona motu o Motu Faauo.
Pe sa fai ea se tou tafaoga faaleaiga i fafo i le Aso o le Kerisimasi? E fiafia le aiga o Kaloni e tafafao i le matafaga i le taimi o le Kerisimasi. Talu ai ona o le taumafanafana lenei ia Tesema i le itulagi i saute, o tafaoga i le Kerisimasi e le o se faafitauli! O Kaloni e sefulu-tausaga-le-matua e fiafia e faaalu le tele o aso malolo fiafia faatasi ma uso o tina ma tama, ma tausoga.
Ou te fiafia e alu i le matafaga faatasi ma lo’u aiga, ma taaalo i le oneone, ma i le sami.
Ou te fiafia e siva, taalo i taaloga ma valivali. Sa ou fesoasoani i le tusiina o se ata tele o le ata o le faaolataga mo le fale o le seminare.
I aso o le vaiaso, ou te ofu lau toniga o le aoga. Ona savavali faatasi lea o lo’u aiga i le aoga. E galue lo’u tama i le aoga maualuga, ma o lo’u tina o se faiaoga seminare. E i ai sou uso matua e igoa ia Dorothy ma se tuagane matua e igoa ia Nelson.
Na filifili lo’u tina ma lona uso e amata se galuega faatino a le aiga ina ia maua ai tupe mo i matou uma o tausoga e o ai i a matou misiona i se aso. Matou te faia ni moa falai ma vaiinu meleni ma faatau atu i le maketi a faifaatoaga i Aso Toonai taitasi.
Ou te fia alu i le kolisi ma avea ma se faiaoga seminare e pei o lo’u tina. Ou te manao foi e alu i se misiona ma faaipoipo i le malumalu. Ae o le taimi nei, o le a ou olioli pea i le ola ai i se parataiso o se motu matagofie.