Fakamanatua ʻe he Palaimelí ʻa e Taʻu 135
ʻI he taʻu ʻe 135 kuohilí ʻi Fāmingitoni, ʻIutā, USA, naʻe hohaʻa ai ʻa Pīsope Sione W. Hesi ki he ʻulungaanga ʻo e fānau ʻi hono uōtí. Naʻá ne ui ai e ngaahi faʻē ʻo e uōtí ke nau fakataha mai ke nau talanoa fekauʻaki mo hono mahuʻinga ke tataki e fakakaukau ʻo e longaʻi fānaú.
Naʻe fakafanongo ʻa ʻAulola Sipenisā Lousa peá ne talanoa ki ai mo ʻĪlisa R. Sinou, ʻa ia naʻe ʻaʻahi atu ki Fāmingitoni he faʻahitaʻu matala ʻo e 1878. Naʻe fakataha leva ʻa Sisitā Sinou pea mo e Palesiteni ʻo e Siasí ko Sione Teila, pea fakamafaiʻi leva ʻa Pīsope Hesi ke ne faʻu ha houalotu maʻá e fānau ʻi hono uōtí. Naʻe fokotuʻu ʻa e Kautaha Palaimeli ʻo e Uooti Fāmingitoní, ʻi he ʻaho 11 ʻo ʻAokosi 1878, pea hoko ʻa Sisitā Lousa ko e palesitení.
ʻI he ʻaho ní, ʻoku fakafuofua ki he fānau ʻe toko taha miliona he funga ʻo e māmaní ʻoku nau lavemonū he Palaimelí ʻi he uike taki taha. ʻOku faifeinga e kau taki mo e kau faiako ʻo e Palaimelí ke fakahaaʻi ʻenau poupou ki he ngaahi mātuʻá ʻi honau fatongiá ke tokoni ke maʻu ʻe he fānaú ha fakamoʻoni ki he Tamai Hēvaní, Sīsū Kalaisi pea mo e ongoongolelei kuo toe fakafoki maí.