Elder Kevin S. Hamilton
Ena Vitusagavulu
O Elder Kevin Scott Hamilton e vakamacalataki koya ni “vua ni saumaki mai kei na veivueti.”
Na nona sucu ena Maji ni 1955 mai Wenatchee, Washington mai Amerika, a vakauqeta na taro e lomai tinana, o Kay, me baleta na ibalebale ni bula. A vosa vua e dua na nona itokani YDE, o Richard Pratt, ka qai tukuni koya vei ira na daukaulotu.
Na watina, o Norman Russell Hamilton, e vakamacalataka ni sa lewena oti tu na Lotu, e dina ni a luluqa tu mai na itekivu ni nona yabaki tinivakacaca. Sa yaco me bulabula tale mai ena Lotu ni sa curu mai na watina.
“Oi rau na noqu itubutubu erau lewenilotu vakasakiti ka rau tara cake na vakabauta sa tu vei keitou nikua,” e kaya o Elder Hamilton.
Ia e vakadinadinataka ni nona kaulotu i Varanise kei Suitisaladi a veisautaka dina sara na nona bula. “A vakavuna vei au e dua na gagadre kaukauwa ka sega vakadua ni biuti au,” e kaya o koya.
A vakamautaka e dua na wekana vakayalo, o Claudia Keysor, ena ika 27 ni Julai, 1978, ena Valetabu e Los Angeles. Ni rau susugi ira cake tiko na luvedrau e ono mai California, erau cakava na nodrau vale me vaka e dua na vanua ni sarasara.
“E dau tukuni ni rawa ni dua na ivunau sega ni cavuti na nomu vale, sa dau tu ena loma ni neitou vale na vosacavuti lalai,” e kaya o Sisita Hamilton. Na icurucuru ki na nodratou itikotiko e dau vakatawani tu ga ena iVola i Momani, ivolalailai Me iSakisaki ni iTabagone, kei na ivola tale eso ni Lotu ka dau vakaisosomitaki e veigauna ni ra dau kauta na veisiko mai.
Na nona yalodina o Elder Hamilton ni veiqaravi sa kauta mai na madigi eso me veiqaravi vakabisopi, peresitedi ni iteki, ka peresitedi ni Tabana ni Kaulotu na Belgium Brussels Netherlands mai na 2003 ki na 2006. Ni bera ni kacivi ki na iKarua ni Kuoramu ni Vitusagavulu, a dairekita voli ni Matabose ni Tabana ni Veiqaravi Raraba ni Lotu ena Ceva kei California, ka tiko kina e 64 na iteki ena Greater Los Angeles Metropolitan Area.
Ena nona diqiri ni bejila mai na Brigham Young University kei na masita mai na University of Washington, ena bisinisi ruarua, sa vakayagataka e levu na nona gauna vakacakacaka ena tabana ni vakauitukutuku, ka veiqaravi kina vakavica ena itutu vakailesilesi liu.