Carol F. McConkie
iMatai ni Daunivakasala ena Mataveiliutaki Raraba ni Goneyalewa
Ni se gonelailai sara, sa dau “gadreva tu ga na valetabu” o Carol Foley McConkie. Na gagadre oqori sa dau dusimaka na nona cakacaka ena nona bula taucoko.
Ni sucu ena Epereli 1952 mai Spokane, Washington e Amerika, vei Williams kei Joanne W. Foley, Se gone dramidrami sara o Sisita McConkie ena gauna era tukituki kina na daukaulotu ena nodrau katuba na nona itubutubu mai Wilmington, Delaware, ka vakaveikilaitaka na nona matavuvale ki na kosipeli. E totolo na nodrau kukuva na kena ivakavuvuli na nona itubutubu, dina ga ni tu na veisaqasaqa, ka vakakina na kena dodonu me sa veisautaki na ivakarau ni nodratou bula.
Ni se gonelailai a lako kosova na vanua kei iratou na nona matavuvale ena sitimanivanua me ratou laki vauci vata ena Valetabu mai Manti Utah.
“E dua na ka kamikamica oya,,” e kaya o koya. “Au nanuma na noqu vakaisulu vulavula tu kei na kena ibalebale ki na noqu matavuvale. E dua na gauna vakasakiti, e dina ga niu se gone sara, au nanuma tu na veika au a vakila, na veika vulavula au raica, kei na totoka ni siga oya. Na gauna oqori sa solia vei au na imatai ni noqu gagadre meu maroroya tikoga ena noqu bula na valetabu.”
Sa yaco me bikeni ni inuinui na valetabu ena gauna ni vakatovolei ka vakakina ni sa dua na nona matavuvale.
A sota vata kei watina, o Oscar Walter McConkie III, ni rau vuli tiko ena Arizona State University. A rawata o Sisita McConkie na nona diqiri ni bejila ena vulici ni Vosa Vakavalagi. Erau a vakamau ena 22 ni Tiseba, 1973, ena Valetabu na Mesa Arizona ka rau nodratou itubutubu e vitu na gone.
Ena gauna e kacivi kina me imatai ni daunivakasala ena mataveiliutaki raraba ni Goneyalewa, a veiqaravi tiko o Sisita McConkie ena matabose raraba ni Goneyalewa. E vuqa na nona gauna ni veiqaravi vaka-Lotu e vakaitavi kina ena veivakavulici ka peresitedi ni Goneyalewa ka daunivakasala ena mataveiliutaki ni iSoqosoqo ni Veivukei kei na lalai ena tabanalevu. A veiqaravi vata kei na watina ena nona vakatulewa tiko ena Tabana ni Kaulotu na California San Jose mai na 2005 ki na 2008.