ʻAPI ʻo Leutú
ʻOku fakataha mai e fāmili ʻo Leutú ʻi he pō kotoa pē ki honau fale faka-Haʻamoá, ʻa ia ko ha fale fuolōloa. ʻOku feʻunga mo e fute ʻe 15 (4.6 m) hono lōloá pea fute ʻe 10 (3 m) hono fālahí pea ʻoku ʻikai ha holisi, neongo ko e taimi ʻe niʻihi ʻoku nau tau ha ngaahi tupenu ke ʻoua naʻa ʻasi ha meʻa ki tuʻa.
ʻOku tangutu fuopotopoto ʻa Leutu taʻu 10, mo hono fāmilí he falikí ʻo ako fakafāmili e folofolá. ʻOku nau hivaʻi e ngaahi himí mo aleaʻi e ngaahi meʻa fakafāmilí kimuʻa pea nau toki mātuku ʻo mohé.
ʻOku ui e taimi ko ʻeni ʻoku nau fakataha mai ai ʻi he pō taki tahá ko e sā, ʻa ia ko hono ʻuhingá ko e “toputapu.” Ko ha taimi ia ʻoku fakataha ai ʻa e tokolahi taha ʻo e ngaahi fāmilí ʻi Haʻamoá.
Kuo akonaki e kau palōfitá ʻoku totonu ke toputapu hotau ngaahi ʻapí ʻo hangē ko e temipalé. Neongo pe ʻoku fōtunga fēfē hotau falé, ka ʻoku ʻi ai e ngaahi meʻa te tau lava ʻo fai ke tokoni ʻi hono fakaafeʻi mai e Laumālie Māʻoniʻoní ki hotau ʻapí pea ke ngaohi ia ke hoko ko ha feituʻu fakaʻofoʻofa mo fakafiefia ʻo e melinó mo e akó.
Tā fakatātāʻi ʻe Steven Keele; faitā ʻe Adam C. Olson
ʻOku fakahoko ʻe Leutu ʻene lotu fakatāutahá hili ʻene folahi hono mohenga falá mo tau e tainamú.
ʻOku fakataha mai e fāmilí ki honau falé ʻi he meimei pō kotoa pē ke lotu fakafāmili, ako folofola, mo fealēleaʻaki fakafāmili.
ʻI he taimi ʻoku fie ako folofola tokotaha ai ʻa Leutú, ʻokú ne faʻa tangutu ʻi ha lalo ʻakau ʻi tuʻa.
ʻOku faʻa fakataha ʻa e fāmilí ki he fale ʻo e ongo kui ʻa Leutú ke fakahoko e efiafi fakafāmili ʻi ʻapí.
ʻOku fakaʻaliʻali ʻe he fāmilí ha tā ʻo e Fakamoʻuí fakataha mo ha ngaahi ʻaati kehe pē mei he Liahona ke fakamanatu Ia kiate kinautolu.
Ko e taimi mahuʻinga ki he fāmilí ʻa e taimi maʻu meʻatokoní. ʻOku feimeʻatokoni e fāmilí ʻi ha tafuʻanga afi pe ngāue ʻaki ʻa e maka velá ʻi ha ngoto ʻumu ʻoku ui ko ha umu kuka.
ʻOku tauhi ʻe he fāmilí ʻenau ngaahi folofolá, tohi lēsoní mo e ngaahi makasini Liahona ʻi ha tēpile.