Ko e Tauhi ki he Tamai Hēvaní

Fai ʻe Jane McBride Choate

Makatuʻunga ʻi ha talanoa moʻoni

1. Naʻe mamata ʻa Kēvini ki he teuteu ʻa hono taʻoketé mo e tuofefiné ke ʻalu ki he temipalé ke fakahoko e papitaiso maʻá e pekiá. Naʻe fie ʻalu foki mo Kēvini.

2. Teti, ʻe lava ke u ʻalu?

   ʻOku ʻikai te ke taʻu feʻunga, ka ʻoku ou fiefia ʻi hoʻo fie ʻalú. Te ke lava foki ʻo ʻalu ʻi he hokosia ho taʻu 12.

3. Naʻe tokoni ʻa Kēvini ke faʻo e kato hono tuofefiné. Peá ne tokoni leva ki hono taʻoketé ke fili hano hēkesi.

4. Naʻá na ʻalu, kae nofo ʻa Kēvini ʻi ʻapi mo ʻene Faʻeé mo hono tuofefine kei valevale ko ʻĒlení.

5. ʻI he taimi naʻe tangi ai ʻa ʻĒlení, naʻe ʻoange ʻe Kēvini ki ai ha tamapua ko ha kiʻi pea.

6. ʻOku ou ʻiloʻi ʻoku fiefia ʻa e Tamai Hēvaní ʻi he anga hoʻo tauhi kiate Ia he ʻaho ní.

   Ka naʻe ʻikai ke u ʻalu ki he temipalé.

7. ʻIo, ka naʻá ke tokoni ki ho taʻoketé mo ho tuofefiné ke na teuteu. Pea ʻokú ke tokoni foki kiate au ke tokangaʻi ʻa ʻĒlini.

8. ʻI he taimi ʻokú ke tokoniʻi ai e kakai kehé, ʻokú ke tokoni ai ki he Tamai Hēvaní.

Ngaahi tā fakatātā ʻa Elise Black