Ana Kakoaua Thomas
“Ngai, te Uea, anganiko nakoim te kakoaua ae koaua” (D&C 67:4).
Bon te kainutu n te tairiki, ao nikabane iai tibwangaia aika a na karaoi. E kairia Tinara. Dad e bon anga te reirei. Ataei a tararuaa te tataro, anene, ao te takakaro—ma tiaki ibukin Thomas. N te wiiki aio ao bon ana tai Thomas ni kaota ana kakoaua, ao e bon taraa n ae mamaa.
Thomas e a tia n tibwauaa ana kakoaua imwaaina, ma e a bon maan te tai, ao e aki kona n uringnga bwa terana ae e riai n taekinna. Aingaia are ngke te anene ni kaukuki e a toki ao te tataro a tia n atongaki, Thomas e matanun.
“Bon am tai,” tinara e kauringnga.
Thomas e taraa tinaniku rinanon te winto n tarai arokaia aika teimatoa kiriniia, n tangiria bwa a kona n tuangnga terana te bwai ae na karaoia.
Tamara e tekateka irarikin Thomas ao n titirakinna bwa terana ae riki.
“I aki ataia bwa terana te kakoaua,” e taetae n aki kabaibati Thomas.
“E tamaroa, I kona ni buokiko,” e taku tamara. “E tuangiira tabeua bwaai aika ko atai aika koaua ke bwaai aika ko kakoauai. Ko kona n taetae ibukin ae ko kangaa n tangira warekan Booki aika tabu. Anne n taainako e na buokiko n namakina te Tamnei.”
Ma Thomas e aki namakina te tauraoi. Nikabane a taraia, a taningaia ni karaoa te bwai teuana. E ioioa atuna. “I aki kona. I aki ataia bwa terana.”
Tamara e karauraua n orea angan Thomas. “E tamaroa. Ko kona ni karaoia n te tai teuana.”
Rimwi riki n te tairiki anne Thomas e tekateka n ana kainiwene n taua ana Boki Moomn. Tamau e bon eti—warekan boki aika tabu n taainako e kona ni katamaroaa riki ngaia. E kataia ni wareka teuana te mwakoro n te bongina, ma taian mwakoro a bon moanna n rikirake n abwaabwaki. E kauka ana boki ae tabu nakon 1 Nibwaai 17.
“E rangi n abwaabwaki anne!” e wirikiriki Thomas. E taekina ana tataro ae uarereke nakon Tamana are i Karawa ni bubuti ibukin buokana. Ngkanne e bon mimii ni birimwaakan te tai are e a tia n nako.
I bon imwaain ae tiringa ana taura Thomas, Tamara e rinnako ni kabo ma ngaia.
“Keetinna terana, Tamau?”
“Terana anne, buddy?”
“I tuai wareka au boki ae tabu inanon te wiiki ae bwanin ibukina bwa taian mwakoro a rikirake n rangi n abwaabwaki. Ma te bong aio I tangiria ni karaoia, aingaia are I atonga au tataro, ao te Tama are i Karawa e buokai. I warekia ni kabane, ao e namakinaki n ae aiaron ti nimaua te miniti. Te tataro bon te bwai ae tamaroa.”
“Thomas, ko ataia bwa terana tebwai are ko a tibwa taekinna?” Tamau e titirakinai ma te moangare. “Ko tibwauaa am kakoaua!”
“E koaua?” e titiraki Thomas. “Terana ae ko nanonna?”
“Ngkana ko taetae ibukin te tataro ao e kangaa ni buokiko—anne te kakoaua man te tataro.”
E uki win Thomas ma te mimii. E iangoi taai ni kabane ake aomata a tia n reireinna ibukin te kakoaua. E ataia e a tia n tibwaua ana kakoaua!
Thomas e namakina te tamaroa ae bati ao e namakina te kan ngare. E angan Tamana te irabwti.
“Wau, I karaoia!” e taku Thomas. “Tamau, I kona ni kaota au kakoaua n te wiiki ae na roko n tain te kainutu n te tairiki? I a ataia bwa tiaki au tai, ma I tangiria n taetae ibukin te tataro.”
“I iangoia bwa anne te iango ae kakannato,” e taku Tamau.
Ngke e a kitana te ruu Tamau, Thomas e iangoi bwaai ni kabane ake a riki n te bong anne. E bon kakaitau ibukin te utu, boki aika tabu, tataro, ao bwaai riki tabeua aika bati. N te tai aio, e bon rangi ni kakaaitau ibukin te kakoaua. E ataia bwa e na kangaa n tibwauaa teuana ao terana nanona.
Kamataata iroun Matt Smith