Te Tia Kakoaua ae Onoti
Bwaeonia n taai akekei a maiu n taai ake ngkoa. Terana ae I kona n reireinai mairouia?
Man “The Past Way of Facing the Future,” Riaona, Nobembwa 2009, 74; “A Meaningful Celebration,” Ensign, Nobembwa 1987, 70, 72.
Unmwaane L. Tom Perry man te Kooram n Abotoro n te Tengaun ma Uoman e tibwaua tabeua iango iaon te titiraki aio.
Ni 24 Turai, ti kauringa rokoia bwaeonia n te Salt Lake Valley.
A katikui bwaai ni kabane imwiia—mweengaia, aia bitiniti, aia ooniman, ao bon kaain aia utu aika tangiraki—ni mwananga nakon te rereua.
Bwaeonia a taenti ao n anene ngke a rinanon te aba ae aoraoi. Bon te kawai are a kateimatoa ni karieta anuaia ngkana a kaaitibo ma kangaanga.
Ma te onimaki ae matoatoa iroun te Atua ao aia taan kairiiri, moan bwaeonia a nako ni mwakuri ni karika te tabo ni maeka aika tamaroa n nuun maunga.
Ai terana mimitongin rongorongon te onimaki, ninikoria, ao rabakauia bwaeonia aika karineaki ake a katikui ibukira bwa ti na kateitei iaona.
Kamataata iroun Steve Kropp.