Unimwaane Oaks e Tuoa Tiaban Teuana te Ririki imwiin te Mwaeiei

Ni kaanian teuana te ririki imwiin te mwaeiei ao n rimwian te tsunami are e riki are e ninia Tiaban, Unimwaane Dallin H. Oaks man te Kooram n Abotoro n te Tengaun ma Uoman ao Unimwaane Donald L. Hallstrom man te Beretitentii n te Itingaun a kawara te aba ao n anga te rongorongo ibukin te kantaninga ao te tangira.

Ibukin 12 bongin Beberuare, Unimwaane Oaks ao Unimwaane Hallstrom, n raonaki irouia kainnabaia, Kristen Oaks ao Diane Hallstrom, a mwananga ni kabuta Aonon Atia Meang, n tiku i Kumamoto, Nagasaki, Sendai, ao Tokyo, n ai aron naba kaawa n aonon Tohoku.

Ni mwakoron Rongorongon te Ekaretia, Unimwaane Oaks e kamatata teuana te kantaninga ibukin te mwananga: “Ti roko n anga te karaunano n rimwin te kanganga ae kakamaku ao te tsunami are e riki tao teuana te ririki n nako ao n anga naba taian reirei ao koaua ake ti aki toki n anga ngkana ti kaitibo ma mitinare ao membwa n te Ekaretia.”

Unimwaane Oaks ao taani kairiri ake tabeman n te Ekaretia a kaitibo ma Aomata Aika a Itiaki i Tiaban, mitinare, ao tabeman ao ni kaungaiia n “kakaea te kawai are te Uea e na onea karawawatam nakon taian kakabwaia ibukim.”

Ni wareka aia mwakuri tabeman taani kairiri n te Ekaretia ni kabuta te aonaaba, n ikotaki ma Unimwaane M. Russell Ballard i Brazil, Unimwaane Jeffrey R. Holland i Africa Maeao, Unimwaane David A. Bednar n te Caribbean, Unimwaane Quentin L. Cook i Australia ao New Zealand, Unimwaane D. Todd Christofferson i Central Europe, ao Unimwaane Neil L. Andersen i Brazil, nakon news.lds.org ao prophets.lds.org.

Unimwaane Dallin H. Oaks ao kainnabana, Kristen, are a karaoa aia mition nako Sendai, a tuoa te rikirake are e riki i Tiaban n tain te tsunami ae kamamate ao te mwaeiei ni Maati 2011.

Tamnei iroun Osamu Sekiguchi