Karikan Rongorongo ni Kawai
Soma, Eszter, ao Kata B. A maeka i Budapest, Hungary, te kaawa ae bubura n rongorongona ni kawai ibukin taian bwaareti, utu n uea, ao tamnei aika tikiraoi ao kateitei. E ngae ngke ataei a reiakina rongorongon ngkoa aia kaawa ae bubura n aia reirei, a nano naba n reiakinaia ibukin te rongorongo naba teuana—rongorongon te Ekaretia.
“I tangiria n reireinai taekan Iotebwa Timiti ngke e tataro ao te Tama are i Karawa ao Iesu a kaoti nakoina,” Eszter, ririki 7, e taku.
Soma, ririki 10, e tangiria ni wareka taekan Aramwa te Ataei. “E bon buakaka moa, ma I tangira bwa e kanga n rineia bwa e na raoiroi.”
A aki bati aomata i Budapest n ataa taekan Iotebwa Timiti ke Aramwa te Ataei, ma Soma, Eszter, ao Kata, ririki 5, a kantaningaia bwa ngkai a kaota te katotoo ae tamaaroa ao n rinea te tamaroa, a rawata riki kaain Hungary ae a na reiakinaki taekan te Ekaretia.
Ana bwai n reirei ae mamaten nanon Eszter bon te korotamnei.
Ana Boki Moomon e boretiaki nakon te taetae n Hungary n 1991.
Soma e tangiria ni bwatika n ana bwatika irarikin mweengana.
Te katautau bwa temanna ni katoa 2,200 aomata i Hungary bon kaain te Ekaretia.
Freiberg Germany Tembora
Germany
Hungary
Mediterranean Sea
Black Sea
Hungary
Budapest
Te Tembora i Freiberg Germany bon te tembora ae te kabanea ni kaan nakon. Te katautau bon 350 te maire (560 km) raroana.
Tamnei iroun Chad E. Phares; mwabe iroun Thomas S. Child