Diha sa Web

Ang Gipalambo nga Site Nakatabang sa Young Men sa Pagtuman sa Ilang Katungdanan ngadto sa Dios

Ang Katungdanan ngadto sa Dios nga website (DutytoGod.lds.org) gi-update ug karon nahimong interactive online tool nga mas epektibong nakatabang sa young men sa paghimo, pagsunod, ug pagsulat sa ilang kalamboan sa programa sa Katungdanan ngadto sa Dios.

Ang mga deacon, mga teacher, ug mga priest makatan-aw na sa tibuok Pagtuman sa Akong Katungdanan ngadto sa Dios: Alang sa mga Tighupot sa Aaronic Priesthood nga booklet sa internet sa 50 ka mga pinulongan, ug sa pag-sign in ginamit ang ilang LDS Account, makahimo sila og mga journal entry sa pagrekord sa ilang kalamboan pinaagi sa programa. Ang kompleto nga booklet diha sa internet naglakip usab sa tanang makapakat-on nga mga kalihokan ug mga koneksyon ngadto sa mga kasulatan ug ubang mga kapanguhaan.

Site sa Youth aron Mapalapdan ang mga Tanyag sa Libre nga Musika

Ang seksyon sa musika sa youth.lds.org nagpalapad sa mga tanyag niini sa libre, ma-download nga musika nga may mga kanta sa mas daghang moderno nga mga artist sa miaging media nga Especially for Youth (EFY). Ang mga pagdugang gisugdan niadtong Pebrero, ug mokabat sa 30 ka mga kanta ang idugang sa gipaspason nga usa sa matag semana.

Ang site anaa sa Iningles, Portuguese, ug Spanish, ug padayon pa ang mga plano nga mohatag og dugang nga mga kanta sa Portuguese ug Spanish. Sa kasamtangan, ang usa ka kanta nga naa sa site—ang “Strong and Courageous” ni Jenny Phillips—anaa na sa Portuguese ug Spanish.