Komentaryo
Diha sa Pinulongan Nga Gipamulong sa Atong mga Inahan Kanato
Nakadayeg ko sa artikulo nga “Sa Matag Pinulongan ug Katawhan” ni Lia McClanahan sa Oktubre 2011 Liahona. Nagpahinumdom kini kanako kon unsa ka dako nga panalangin nga makatuon sa mga pulong sa Dios diha sa samang pinulongan nga gipamulong sa atong mga inahan kanato. Kini nga artikulo naghatag usab kanako og oportunidad nga ipakigbahin ang ebanghelyo ug ang akong gugma sa Basahon ni Mormon ngadto sa akong minahal nga higala sa Slovenia. Salamat!
Alan Embree, Italy
Kalig-on taliwala sa Akong mga Pagsulay
Taliwala sa akong mga pagsulay, nakakaplag ko og kalig-on sa mga pagpamatuod, mga kasinatian, ug sa mga mensahe nga akong nakita diha sa Liahona. Matag bulan kon kami makadawat sa magasin, ang akong bana ug ako mobasa sa Mensahe sa Unang Kapangulohan sa family home evening. Among ipakigbahin ang among mga komentaryo ug ang among nakat-unan. Nasayud ko nga ang Langitnong Amahan nahigugma kanako. Siya mitubag sa akong mga pag-ampo. Nasayud ko nga maminaw Siya kanako.
Martita de Hernandez, El Salvador