Sa Tibuok Simbahan
Ang Mormon Helping Hands Mipanindot sa Eskwelahan sa Gobyerno sa Macapá, Brazil
Gibana-banang 50 ka mga boluntaryo sa Mormon Helping Hands—lakip ang mga miyembro sa Simbahan, ilang mga higala, ug mga misyonaryo nga mga Santos sa Ulahing mga Adlaw—nagtapok pagka-Sabado, Enero 21, 2012, aron motabang sa pagpanglimpyo, pangguna, ug sa laing bahin pagpanindot sa Maria Ivone de Menezes, usa ka eskwelahan sa gobyerno sa Macapá, Brazil.
Ang kalihokan, gipasiugdahan sa school board ug gi-organisar sa direktor sa public affairs sa Macapá Brazil Amapá District, nga si Kleber Sainz, nakakuha sa pagtagad ug coverage gikan sa pipila ka mga media outlet. Ang direktor sa eskwelahan, si Adelia Danin, mitabang sa proyekto. “Nalipay kami sa dakong tabang nga gihatag [sa Simbahan] kanamo,” miingon siya. “Kanunay namo kining hinumduman.”
Bag-ong Triple Combination Gipublikar sa Pinulongan nga Russian
Ang bag-ong edisyon sa triple combination sa mga kasulatan nga may Basahon ni Mormon, Doktrina ug mga Pakigsaad, ug ang Perlas nga Labing Bililhon nga gihiusa sa usa ka volume naa na karon sa pinulongan nga Russian.
Ang bag-ong volume maanaa dayon sa lokal nga mga distribution center sa Simbahan, sa store.lds.org, sa internet sa scriptures.lds.org, ug sa Gospel Library mobile application. Kini nga edisyon makadugang sa gidaghanon sa gipublikar nga mga pinulongan alang sa triple combination ngadto sa 44.
Singkwenta ka mga boluntaryo sa Mormon Helping Hands mitrabaho pagka-Sabado, Enero 21, 2012, aron sa pagpanglimpyo, pangguna, ug sa pagpanindot sa eskwelahan sa gobyerno sa Maria Ivone de Menezes sa Macapá, Brazil.
Gilitratohan ni Michelle Sá, Macapá Brazil Amapá District public affairs