Ko ha Lēsoni ʻi he Fakamolemolé

Carlos mo Jenny Comena Guzman, ʻIka, Pelū

ʻI he aleaʻi ʻe homau fāmilí ʻa ʻemau efiafi fakafāmili fakangalongataʻa tahá, ko e meʻa ne ʻiloʻi mei aí ne ʻikai felāveʻi ia mo ha ʻekitivitī fakaoli, pe ha taumuʻa fakapotopoto ʻo ha lēsoni, pe kiʻi sapa makehe. Ka ko ʻemau aʻusia ha kiʻi meʻa faingofua kae loloto ne kamata ʻaki ha lēsoni ne teuteu ʻe homa foha taʻu 17 ko Filitingí, kau ki he fakamolemolé.

Hili e lēsoní, naʻe maʻu ʻe he tokotaha kotoa pē ha faingamālie ke fakahaaʻi ʻene ngaahi ongo kau ki he meʻa naʻe saiʻia ai e tokotaha ko ē he tokotaha ko eé mo e meʻa ne mau fie maʻu ke mau fakalakalaka aí. Ne mau talanoa ki he ngaahi faingataʻa ne mau takitaha fehangahangai mo iá pea mau fetokoniʻaki ʻi ha ngaahi founga ke veteki ʻaki. Ne mau tangi fakataha, fefakamolemoleʻaki, pea fokotuʻu ha ngaahi taumuʻa ke mau toe lelei ange ai.

Kuo hoko e efiafi fakafāmili ʻi ʻapí ko e taha homau ngaahi taimi manakoa tahá. ʻOku mau saiʻia ʻi hono fakahaaʻi tauʻatāina ʻe he fānaú ʻenau ngaahi ongó pea fai ia ʻi he loto maʻú.