Paglig-on sa Akong Pagpamatuod

Alberto Avilez Rodríguez, Mexico

Ako sa kanunay masorpresa sa unsa ang akong makat-unan sa institute. Ako wala makahinumdom sukad-sukad nga mitambong og klase nga mipauli nga walay usa ka butang nga bag-ong nakat-unan o mas nasabtan og maayo nga pipila ka mga baruganan sa ebanghelyo. Isip resulta, ang akong kinabuhi nausab.

Taliwala niining daghan nga mga panalangin nga akong nadawat pinaagi sa pagtambong og institute mao ang mas nanindot nga mga relasyon sa pamilya ug mitubo nga kaikag sa mga kasulatan. Kini usab mipatubo sa akong pagpamatuod. Sa wala pa magtambong og institute, ako dili sigurado nga ako buot moalagad og misyon. Karon ako nasayud nga ang pag-alagad og misyon mao ang kinahanglan nga akong buhaton.

Ang institute nahimong usa ka nindot kaayo nga kasinatian alang kanako. Kini nakatabang kanako sa pagsabut ug sa pagsunod sa mga sumbanan sa Simbahan. Ang mga doktrina sa Simbahan mao ang mga paagi sa kaluwasan ug kahimayaan, ug ako mapasalamaton nga ako nakahimo sa pagkat-on kabahin niini diha sa institute.