Usa ka Batan-ong Misyonaryo
Kadto birthday sa akong pinakasuod nga higala, ug siya 13 anyos na. Ako nagdalidali sa pagpangita og usa ka regalo para kaniya sa dili pa ang klase, apan ako wala makakita bisan unsa. Dayon ako nakakita sa Basahon ni Mormon. Ako mihukom sa paghagit sa akong kaugalingon sa paghatag niini ngadto kaniya isip usa ka regalo. Ako mibati og kaayo sa sulod apan murag nahadlok tungod kay wala pa gayud ako nakahatag og Basahon ni Mormon kaniadto. Ako nahadlok nga kini dili niya dawaton.
Sa dihang ako miabut sa eskwelahan, ako siyang gipangita ug akong giingnan nga ako adunay espesyal nga basahon alang kaniya. Iyang gidawat ang basahon ug nakit-an ang usa ka litrato sa akong pamilya diha sa atubangan. Ako siyang giingnan nga kini mao ang Basahon ni Mormon, usa ka basahon nga nagsaysay sa kamatuoran ngano nga kita anaa dinhi sa yuta. Ako usab siyang giingnan nga ako nangayo og pasaylo sa wala paghatag og mas maayo nga regalo.
Siya mitan-aw sa akong mga mata ug miingon nga kini mao ang labing nindot nga butang nga akong mahatag kaniya. Ang iyang mga pulong mitandog sa akong kasingkasing, ug hapit ako mihilak. Ako mibati nga sama na sa usa ka misyonaryo! Ako dili na makapaabut hangtud ako igo na sa pangidaron nga moadto sa misyon aron ako makapaambit sa ebanghelyo ngadto sa ubang katawhan sama sa akong higala.