Panahon sa Pagpakigbahin
Ako Adunay Amahan sa Langit, Kinsa Nahigugma Kanako
“Kamong tanan mga anak sa labing Halangdon” (Salmo 82:6).
Sa unsa nga paagi kamo sa tinuod masayud nga kamo anak sa Dios? Daghang mga bata wala masayud nga sila adunay usa ka Amahan sa Langit, kinsa nahigugma kanila ug kinsa makatabang kanila. Daghang mga bata wala masayud nga sila nagpuyo uban sa Langitnong Amahan sa wala pa sila moanhi sa yuta. Wala sila masayud nga sila mahimo nga makaampo ngadto Kaniya. Sama kaninyo, nakalimot sila sama kini sa unsa nga magpuyo didto sa langit.
Kamo adunay mga kasulatan, mga propeta, ang Espiritu Santo, ug usa ka pamilya aron motudlo ug mopahinumdom kaninyo sama sa unsa kini nga magpuyo uban sa Langitnong Amahan isip Iyang anak. Ang mga kasulatan nagtudlo nga didto sa langit kamo nakadawat sa inyong una nga mga leksyon ug giandam sa pag-anhi sa yuta (tan-awa sa D&P 138:56). Kini nagtudlo nga ang Espiritu Santo “magapanghimatuod uban sa atong espiritu nga kita mga anak sa Dios” (Mga Taga-Roma 8:16). Ang mga kanta nga “Ako Anak sa Dios” ug “Ako Nagpuyo sa Langit” (Songbook sa mga Bata, 2–3, 4), mahimo nga makapahinumdom kaninyo kon kinsa kamo ug diin kamo gikan.
Ang Langitnong Amahan gusto nga kamo mahinumdom nga Siya mao ang Amahan sa inyong espiritu; Siya ang milalang kaninyo. Kon kamo mag-ampo, hangyoa ang Langitnong Amahan sa pagtabang kaninyo nga mahinumdom nga kamo Iyang anak. Ang Espiritu Santo makatabang kaninyo nga mohunahuna ug molihok isip usa ka anak sa Dios.
Kalihokan
Guntinga ang bookmark diha sa pahina H4, ug ibutang kini sa mas baga nga papel. Tungaa kini sa pagpilo. Ihiusa sa pagpapilit ang luyog luyo, ug lungagi diha sa ibabaw. Ihigot ang laso o hilo lahus sa lungag. Gamita kini nga bookmark diha sa inyong mga kasulatan aron sa pagpahinumdom kaninyo nga kamo adunay Langitnong Amahan, kinsa nakaila kaninyo, nahigugma kaninyo, ug kanunay nga maminaw ug motubag sa inyong mga pag-ampo.
Mga Ideya sa Panahon sa Pagpakigbahin
-
Ginamit ang Primary 6, pahina 2, pag-andam og mga drawing ug mga hulagway sa gilis sa mga pulong sa plano sa kaluwasan ug han-aya kini sa pagpasundayag. Pagsugod pinaagi sa pagsulti sa mga bata nga ang Langitnong Amahan nahigugma kanato ug mihatag kanato og usa ka hingpit nga plano. Si Jesukristo mao ang labing mahinungdanon nga tawo diha sa plano sa kaluwasan, ug kon kita mosunod Kaniya, kita makabalik sa pagpuyo uban sa atong Amahan sa Langit. Bahina ang Primary ngadto sa duha ka mga grupo, ug hatagi ang matag usa og nagkalainlain nga bahin sa pagkabutang. Panghatag og papel, mga lapis o mga krayola, mga pakisayran sa kasulatan, ug usa ka kanta o lihok (gilista sa ubos). Ipabasa sa matag grupo ang ilang mga kasulatan, dayon i-drawing ang usa ka butang nga nahitabo niana nga bahin sa plano. Kon ang mga grupo andam na, ihan-ay sa pagtudlo ang plano sa kaluwasan, ginamit ang mga grupo aron sa pagtabang kaninyo sa pagtudlo sa matag bahin. Kinabuhi sa wala pa dinhi sa yuta: D&P 138:56; Moises 4:2; Abraham 3:22–23 (lihok: pagpataas sa mga kamot ug maghunghong og, “Hurrah!”). Kinabuhi dinhi sa yuta: Abraham 3:24–25; Artikulo sa Hugot nga Pagtuo 1:3 (kanta: “Keep the Commandments,” Songbook sa mga Bata, 146–47). Kalibutan sa mga espiritu: Alma 40:11–14; D&P 138:30–32. Mga gingharian sa himaya: telestial—D&P 76:81; terrestrial—D&P 76:71; celestial—D&P 76:92–96 (kanta: “Pamilya Magkauban sa Hangtud,” Songbook sa mga Bata, 188).
-
Pagpakita og litrato sa templo. Pangutana: “Unsay inyong mahunahuna kon makakita kamo og usa ka templo o litrato niini? Ngano sa inyong hunahuna nga ang mga tawo magtrabaho og maayo aron pagpabilin nga maanindot ug limpyo ang templo?” Ipasabut nga ang usa ka templo usa ka sagrado, balaan nga dapit.
Tabangi ang mga bata sa pagmemorya sa 1 Mga Taga-Corinto 3:16. Ipasabut nga sama sa templo, ang atong mga lawas sagrado ug balaan. Kinahanglan nga atong atimanon kini. Ipakita ang Mga Pakite sa Ebanghelyo 114 (Si Daniel Mibalibad sa Karne ug Bino sa Hari). Isulti kon unsay nahitabo ni Daniel ug sa iyang mga higala sa diha nga ilang giatiman ang ilang mga lawas nga sama sa mga templo (tan-awa sa Daniel 1:5–20). Pagpasundayag og mga butang nga nagpakita og katulog, maayo nga pagkaon, paugnat sa kusog, pagkalimpyo, ug kaligdong sa pagsinina (mga ehemplo: unlan, prutas, bola, sudlay, kurbata). Palakawa ang mga bata libut sa mga butang samtang nagkanta sila og usa ka awit kabahin sa mga templo. Hununga kanunay ang musika, ug dapita ang mga bata nga nagkupot og usa ka butang sa pagsulti og usa ka butang nga ilang mahimo sa pag-atiman sa ilang mga lawas nga sama sa mga templo. Pagpamatuod nga sama sa templo, ang atong mga lawas sagrado ug balaan.
Ako adunay Amahan sa langit, kinsa nahigugma kanako.
“Kamong tanan mga anak sa labing halangdon” (Salmo 82:6)
Paghulagway pinaagi ni Dilleen Marsh