Wak na JesuCristo

Pa Elder Kim B. Clark

Di e Setentanan

Si nos wak na JesuCristu, E lo yuda nos biba nos konvenionan i magnifiká nos yamamentu komo eldernan den Israel.

Miéntras ku Jesus tabata kana den e kayanan di Capernaum¹ ku un grupo grandi di hende rondo di dje, un hende muhé afligí ku un kondishon serio pa diesdos aña kaba a bin serka dje i a mishi ku e rant di Su paña. Inmediatamente el a wòrdu saná.²

E skrituranan ta registrá ku Jesus, sintiendo “ku [poder a] sali for di dj’E,”³ “a bira na e multitut aglomerá”⁴ i “wak … pa mira esun ku a hasi e kos aki.”⁵ “Ora e muhé a mira ku e no tabata skondí,”⁶ el “a kai dilanti di dje, i a bise e bèrdat.”⁷

Jesus a bis’e, “yu muhé, ta di bon konsuelo: bo fé a sana bo; bai ku pas.”⁸

JesuCisto a salba e muhé. E tabata saná fisikamente, pero ora Jesus a bira pa wak e, el a deklará su fé den dj’E i El a sana su kurason.⁹ El a papia ku ne ku amor, segurá Su mes di Su aprobashon i nemdishonáe ku Su pas¹⁰

Rumannan, komo poseédonan di e saserdosio sagrado, nos ta komprometé den e obra di salbashon. Den e lastu aña Señor a pone e liderazgo di e obra aki kompletamente riba e skòuder di su eldernan den Israel.¹¹ Nos tin un mandato inspirá di Señor - trahando ku nos hermananan, nos mester ministrá den un manera mas sagrado, aselerá e rekogimentu di Isreal na ambos banda di e velo, establesé nos hogarnan komo sanktuario di fé i enseñansa di evangelio, i prepará e mundu pa e Segundo Benida di Jesucristo.¹²

Manera den tur kos, e Salbador a mustra nos su kaminda: nos mester wak i sirbi JesuCristo miéntras E ta wak na i sirbi Su Tata.¹³ E Salbador a bis’e na e manera aki na e Profeta Jose:

“Mira na ami den kada pensamentu; no duda, no tene miedu.

“Wak e heridanan ku a drenta den mi banda, i tambe e markanan di e klabunan den mi man i pida; ta fiel, warda mi mandamentunan, i lo bo heredá e reino di shelu.”¹⁴

Den e bida premortal Jesus a primintí Su Tata ku E lo hasi e boluntat di Su Tata i lo ta nos Salbador i Redentor. Ora Su Tata a puntra, “Ken lo mi manda?”¹⁵ Jesus a kontesta:

“At’ami aki, manda ami.”¹⁶

“Tata, Bo boluntat sea hasí, i e gloria lo ta di Bo pa semper.”¹⁷

Hinter Su bida premortal Jesus a bida e promesa aki. Den humildat, mansedumbre, i amor El a siña Su Tata Su doktrina i hasi Su Tata Su obra ku e poder i outoridat ku Su Tata a dun’E.¹⁸

Jesus a duna Su kurason na Su Tata. El a bisa:

“Mi stima e Tata.”¹⁹

“Semper Mi ta hasi e kosnan ku ta agrada E.”²⁰

“Mi a bin … no pa hasi mi propio boluntat, pero e boluntat di [e Tata ku] a manda mi.”²¹

Den Su agonia den Getsemani El a resa, “No opstante no mi boluntat, pero di bo, wòrdu kumplí.”²²

Ora Señor yama e eldernan den Israel pa “wak na ami den kada pensamentu” i “ata ki e heridanan” den Su kurpa resusitá, ta un yamada pa kita for di piká i di e mundu i bira wak E i stima i obedesé E. Ta un yamada pa siña Su doktrina i hasi Su obra na Su manera. E ta, p’esei, un yamada pa konfi’e kompletamente, entrega nos boluntat i duna nos kurason na E, i pa medio di Su poder redentor bira manera E.²³

Rumannan, si nos wak na JesuCristo E lo bendishoná nos pa ta Su eldernan den Israel—humilde, manso, sumiso, yen di Su amor.²⁴ I nos lo trese e goso i bendishon di Su evangelio na Su Iglesia pa nos famianan i nos rumannan na ambos banda di e velo.

Presidente Russell M. Nelson a uama nos pa wak na JesuCristu djis di e manera aki. “No tin nasa fásil òf outomatiko di bira disípelnan asina poderoso. Nos enfoke mester ta pegá na e Salbador i Su evangelio. Ta mentalmente rigoroso pa lucha pa wak na E den kada pensamentu. Pero ora nos hasi esaki, nos dudanan i miedunan lo bai.”²⁵

Pega ta un palabra grandi. E ta nifika tene duru, atrae i wanta kompletamente.²⁶ Nos ta pega nos enfoke riba JesuCristo i Su evangelio dor di biba nos konvenionan.

Ora nos biba nos konvenionan, nan ta influenshá loke nos ta bisa i hasi. Nos ta biba un bida di konvenio²⁷ yen di echonan di fe simpel i diario ku ta enfoka nos riba JesuCristo: orashon di e kurason den Su nòmber, deleitando riba Su palabra; birando na E pa arepentí di nos pikanan, wardando Su mandamentunan, partisipando di e sakramento i wardando Su dia di reposo sagrado, alabando den Su tèmpel sagrado mas tantu ku nos por, i ehersiendo Su saserdosio sagrado pa sirbi Dios su yunan.

E echonan di devoshon di konvenio ta habri nos kurason i mente pa e poder redentor di e Salbador i e influenshia sanktifiká di e Espiritu Santu. Liña pa liña e Salbador ta kambia nos propio naturalesa, nos ta bira konvertí mas profundo na dj’E i nos konvenionan lo haña bida den nos kurasonnan.²⁸

E promesanan ku nos ta hasi na nos Tata Selestial ta bisa kompromisonan solido manera piedra, nos deseonan mas profundo. E promesanan di Tata Selestial ta yena nos ku gratitut i goso.²⁹ Nos konvenionan ta stòp di ta reglanan i ta bira prinsipionan stimá ku ta inspirá i guia nos den pega nos enfoke riba JesuCristo.³⁰

E aktonan aki di devoshon ta disponibel pa tur, yòn i di edat. Abo hòmber joven ku ta poseédor di e Saserdosio Aaróniko sagrado, kada kos ku mi a bisa awe nochi ta apliká na abo tambe. Mi ta gradisí Dios pa abo. Abo ta hasi konvenionan i ordenansanan sagrado disponibel na miones di Santunan di Delaster dianan kada siman. Ora bo ta prepará, bendishoná i repartí e sakramente; ministrá; boutisá den tèmpel; invitá un amigu na un aktividat; òf reskatá un miembro di bo quorum, bo ta hasiendo e obra di salbashon. Bo ta wak na JesuCristo i biba e konvenionan kada dia. Mi ta primintí ku si bo hasi esaki, lo bi bira un siervi di konfiansa di Señor aworaki, i den e dianan siguiente, un elder poderoso den Israel.

Rumannan, mi sa ku tur e kosnan aki por intimidá bo. Pero kòrda e palabranan di e Salbador: “Mi no ta mi so, pasó e Tata ta huntu ku mi.”³¹ Asina ta ku nos. Nos no ta nos so. Señor JesuCristo i nos Tata Selestial stima nos, i Nan ta ku nos.³² Pasó Hesus a wak Su Tata i kompletá e gran sakrifisio ekspiatorio nos por wak na JesuCristo ku siguransa ku E lo yuda nos.

Nos niun no ta perfekto. Tin biaha nos ta keda pegá. Nos ta wòrdu distraí i deskurashá. Nos ta trompeká. Pero si nos wak na JesuCristo ku un kurason arepentí E lo alsa nos, limpia nos di piká, pèrdoná nos, i kura nos kurasonnan. E tin pasenshi i ta amabel; Su amor redentor nunka ta kaba i nunka ta faya.³³ E lo yuda nos biba nos konvenionan i magnifiká nos yamamentu komo eldernan den Israel.

I e Tata lo bendishoná nos ku tur e kosnan rekerí pa kumpli ku Su propósito: “kosnan … tantu den shelu komo na tera, den bida i e lus, e Espiritu i e poder, mandá dor di e boluntat di e Tata pa medio di Jesucrito, su yu.”³⁴

Ora lus divino i poder drenta den nos bidanan tres kos milagroso lo sosode:

Promé, nos por mira! Pa medio di revelashon nos por kuminsá wak manera Jesus a wak e muhé: mas ayá di e superfisie di ku kurason.³⁵ Ora nos ta mira manera Jesus ta mira, E lo bendishoná nos pa stima esnan ku nos ta sirbi ku Su amor. Ku Su ayudo, esnan ku nos sirbi lo mira e Salbador i sinti Su amor.³⁶

Segundo, nos tin, poder di saserdosio! Nos tin e outoridat i e poder pa aktua den e nòmber di JesuCristo pa “bendishoná, guia, protehé, fortalesé, i kura otronan i trese milagernan na esnan ku [nos] ta stima i mantené [nos] matrimonionan i famianan sigur.”³⁷

Di tres, JesuCristo ta bai ku nos! Unda nos bai, E ta bai. Ora nos ta siña, ta E ta siñando. Ora nos ta konsolá, ta E ta konsolá. Ora nos ta bendishoná, ta E ta bendishoná.³⁸

Rumannan, nos tin rason pa regosihá! Si nos tin! Nos ta poseé e saserdosio sagrado di Dios. Ora nos ta wak na JesuCristo, nos ta biba nos konvenionan, i pega nos enfoke riba dj’E, nos lo uni ku e hermananan i ministrá na un manera mas sagrado, rekogé Israel espersí na ambos banda di e velo, fortalesé i seya nos famianan, i prepará pa e Segunda Benida di e Señor JesuCristo. E lo sosodé. Asina mi ta testifiká.

Mi ta sera ku e orashon aki den mi kurason, ku nos tur, kada un, lo wak na JesuCristo den kada pensamentu. No duda. No tene miedu. Den e nòmber di JesuCristo, amèn.